ខេត្តស្វាយរៀង: មានការភ្ញាក់ផ្អើល ដល់អ្នកភូមិនិងម្ចាស់ផ្ទះ និងអ្នកធ្វើដំណើររាយការណ៍មកសមត្ថកិច្ចមូលដ្ឋានមកអន្តរាគមន៍ ដោយយករថយន្តពន្លត់អគ្គីភ័យ មកបាញ់ពន្លត់ ទាន់ពេល សង្ស័យ ឆ្លងចរន្តអគ្គីសនី ឆេះផ្ទះល្វែងផ្សារអន្តរជាតិ សំណាងមិនមានអ្នករងគ្រោះថ្នាក់។

ហេតុការណ៍នេះបានកើតឡើងនៅវេលាម៉ោង៨និង១៥នាទីយប់នៅថ្ងៃទី០៩ ខែវិច្ឆិកា  ឆ្នាំ២០២៤  នៅចំនុចផ្ទះល្វែងជាន់ទី១ ផ្សារអន្តរជាតិបាវិត  ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

យោងតាម សមត្ថកិច្ចនគរបាលក្រុងបាវិតបានអោយដឹងថា បន្ទាប់ពីមានសេចក្តីរាយការណ៍ពីប្រជាពលរដ្ឋភ្លាម កម្លាំងសមត្ថកិច្ច បានធ្វើការជួយអន្តរាគមន៍ពន្លត់បានទាន់ពេលវេលា ដោយប្រើប្រាស់រថយន្តពន្លត់អគ្គីភ័យចំនួន១១គ្រឿងមកអន្តរាគមន៏បាញ់ពន្លត់។

ប្រភពបន្តថា ការមកអន្តរាគមន៍បាញ់ពន្លត់គឺមាន  រថយន្តពន្លត់អគ្គីភ័យរបស់អធិការដ្ឋាននគរបាលក្រុងបាវិត ចំនួន០២គ្រឿង ប្រើប្រាស់ទឹកអស់ចំនួន ០៣ រថយន្ត។
រថយន្តពន្លត់អគ្គីភ័យរបស់អធិការស្រុកស្វាយទាប ចំនួន០១គ្រឿង
រថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត ចំនួន០២គ្រឿង
រថយន្តពន្លត់អគ្គីភ័យរបស់ស្រុកចន្រ្ទា ចំនួន០១គ្រឿង ។រថយន្តពន្លត់អគ្គីភ័យរបស់ស្រុករំដួល ចំនួន០១គ្រឿង ។
រថយន្តពន្លត់អគ្គីភ័យរបស់កងរាជអាវុធហត្ថក្រុងបាវិត ចំនួន០១គ្រឿង ប្រើប្រាស់ទឹកអស់ចំនួន ០៤ រថយន្ត ។
រថយន្តពន្លត់អគ្គីភ័យរបស់កងរាជអាវុធហត្ថខេត្តស្វាយរៀង ចំនួន០៣គ្រឿង ប្រើប្រាស់ទឹកអស់ចំនួន ០២ រថយន្ត។

ប្រភពបន្តថា ក្នុងហេតុការណ៍អគ្គីភ័យនេះដែរ មិនបណ្តាលឲ្យមានមនុស្សរងរបួសនោះទេ គ្រាន់តែមានការខូចខាតសម្ភារ:ប្រើប្រាស់មួយចំនួន  ខណៈ
មូលហេតុ ដោយសារ បណ្តាលមកពីការឆ្លងចរន្តអគ្គីសនី៕

ដោយ៖ សុថាន