ភ្នំពេញ ៖ ម៉ូតូធំម៉ាក CBR មួយគ្រឿងបានឆេះខ្ទេចសល់តែគ្រោងដែក បន្ទាប់ពីបុរសម្នាក់មិនដឹងមានរឿងអ្វីក្នុងចិត្ត បានជិះម៉ូតូធំនេះ មកឈប់នៅក្រោមស្ពានជ្រោយចង្វារក៏ឈប់ហេីយដុតកម្ទេចចោលរួចក៍ដើរចេញទៅបាត់ បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង៤ទៀបភ្លឺ ឈានចូលថ្ងៃទី១១ ខែវិច្ឆិកា ឆ្នាំ២០២៤ ចំណុចក្រោមស្ពានជ្រោយចង្វារ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

តាមប្រភពព័ត៌មានពីប្រជាពលរដ្ឋដែលនៅកន្លែងកើតហេតុបានឲ្យដឹងថា មុនពេលកើតហេតុគេឃើញបុរសខាងលើបានបើកម៉ូតូម៉ាកCBR មួយគ្រឿងមិនចាំស្លាកលេខធ្វើដំណើរតាមបណ្ដោយផ្លូវជាតិលេខ ៤ទិសដៅពីជើងមកត្បូងខណៈមកដល់ចំណុចកើតហេតុក្រោមស្ពានជ្រោយចង្វាឈប់ម៉ូតូរួចក៏ដុតម៉ូតូចោលបណ្ដាលឲ្យឆេះគ្មានសល់ហើយដើរគេចេញពីចំណុចកើតហេតុបាត់ ។ សំណាងល្អមិនមានគ្រោះថ្នាក់ដល់មនុស្ស។
ក្រោយកើតហេតុសមត្ថកិច្ចមូលដ្ឋានបានចុះមកដល់ រួចយកម៉ូតូដែលឆេះនៅសល់តិចតួចខាងលេីនោះយកទៅរក្សាទុកបណ្ដោះអាសន្នរង់ចាំសាច់ញាតិមកទទួល និងចាត់ការបន្តតាមក្រោយ ៕ ដោយ ៖ ភារ៉ា ដង្កោ