នាយកដ្ឋានពន្លត់អគ្គីភ័យទីក្រុងម៉ានីល បាននិយាយថា ផ្ទះប្រហែល 1,000 ខ្នងត្រូវបានបំផ្លាញនៅក្នុងអគ្គីភ័យ ដែលត្រូវបានគេជឿថាបានផ្ទុះចេញពីជាន់ទីពីរនៃផ្ទះមួយ។ បច្ចុប្បន្នមិនមានព័ត៌មានអំពីការស្លាប់និងរបួសនោះទេ។

នៅថ្ងៃទី២៤ វិច្ឆិកា អគ្គិភ័យដ៏ធ្ងន់ធ្ងរមួយបានឆាបឆេះនៅតំបន់អនាធិបតេយ្យមួយក្នុងរដ្ឋធានី ស្ថិតនៅក្នុង ភូមិ Isla Puting Bato ក្នុងខណ្ឌ Tondo នៃរដ្ឋធានីម៉ានីល ប្រទេសហ្វីលីពីន។
រូបភាពដែលផ្តល់ដោយទីភ្នាក់ងារគ្រោះមហន្តរាយរបស់ទីក្រុងបានបង្ហាញថាផ្ទះនៅក្នុងភូមិ Isla Puting Bato ត្រូវបានបាត់បង់។ នាយកដ្ឋានពន្លត់អគ្គីភ័យបាននិយាយថាវាជាផ្ទះប្រហែល 2,000 គ្រួសារ នៅក្នុងតំបន់ អនាធិបតេយ្យ។
តំបន់ខាងលើងាយនឹងឆេះខ្លាំងណាស់ ព្រោះផ្ទះភាគច្រើនធ្វើពីសម្ភារស្រាល ។ អាជ្ញាធរបានបញ្ជូនរថយន្តចំនួន ៣៦ គ្រឿង និងទូកពន្លត់អគ្គិភ័យ ៤ គ្រឿង ដើម្បីពន្លត់អគ្គិភ័យ ខណៈកម្លាំងអាកាសក៏បានបញ្ជូនឧទ្ធម្ភាគចក្រ ២ គ្រឿងទៅជួយផងដែរ៕

រូប​ថត​: AFP