ខេត្តស្វាយរៀង ៖ បុរសជា និស្សិតឆ្នាំទី៣ ម្នាក់ បានស្លាប់ដោយគ្រោះថ្នាក់ចរាចរណ៍រវាងរថយន្តនិងម៉ូតូនៅក្រុងស្វាយរៀង។

យោងតាមសមត្ថកិច្ចនគរបាលក្រុងបានអោយដឹងនៅព្រឹកថ្ងៃទី២៥ខែវិច្ឆិកាឆ្នាំ២០២៤នេះថាបុរសដែលស្លាប់មានឈ្មោះ ថន យកថារិទ្ធ អាយុ ២០ ឆ្នាំ មុខរបរ និស្សិតឆ្នាំទី៣ នៃវទ្យាស្ថានពហុបច្ចេកទេសគូមិភាគតេជោហ៊ុនសែនស្វាយរៀង មានទីលំនៅភូមិ ពោន ឃុំ សង្កែ ស្រុក រំដួល ខេត្តស្វាយរៀង។

ប្រភពបន្តថា ហេតុការណ៍នេះ បានកើតឡើងនៅវេលាម៉ោង០៦និង២៣នាទីយប់ថ្ងៃទី ២៣ ខែ វិច្ឆិកា ឆ្នាំ ២០២៤នៅលើកំណាត់ផ្លូវជាតិលេខ ១៣ ត្រង់ចំណុចKm ០២/០៣ ស្ថិតនៅក្នុងភូមិ ព្រះទន្លេ សង្កាត់ សង្ឃ័រ ក្រុង ស្វាយរៀង ។

បើតាមប្រជាពលរដ្ឋនៅកន្លែងកើតហេតុបានរាយការណ៍ថា មុនពេលគេឃើញរថយន្ត១គ្រឿង(មិនស្គាល់ម៉ាក្ស អ្នកបើកបរមិនស្គាល់អត្តសញ្ញាណ )បើកបរពីទេសខាងត្បូងទៅជើង យ៉ាងលឿន លុះមកដល់កន្លែងកើតហេតុស្រាប់តែចាប់ហ្រ្វាំងហើយបួងចង្កូតបត់ត្រឡប់ក្រោយ ស្របពេលនោះជនរងគ្រោះបើកបរម៉ូតូម៉ាក ហុងសេ១២៥ ពណ៌ ខ្មៅពាក់ស្លាកលេខ ស្វាយរៀង 1J -4884 បើកបរដោយបុរសម្នាក់ ពាក់មួកសុវត្ថិភាព បើកបរស្របទឹសគ្នាពីត្បូងទៅជើង ខណៈនោះរថយន្តបើកត្រឡប់ក្រោយបង្កឲ្យជនរងគ្រោះបុកពេញទំហឹងបណ្តាលឲ្យរងរបួសបែកក្បាលធ្ងន់ធ្ងរស្លាប់ភ្លាមៗនៅនិងកន្លែង ។

ចំណែករថយន្តបង្កបានបន្ថែមល្បឿនបើកគេចខ្លួនបាត់ស្រមោល បន្ទាប់ពីសមត្ថកិច្ចវាស់វែងនិងធ្វើកោសល្យវិច្ច័យរួចបានប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី ចំណែកមធ្យោបាយរក្សាទុកនៅអធិការនគរបាលក្រុងស្វាយរៀង ដើម្បចាត់ការបន្តតាមច្បាប់៕

ដោយ៖ សុថាន