ភ្នំពេញ៖ បុរសជាអ្នកដឹកជញ្ជូន foodpenda ម្នាក់​ បានលោតទឹកសម្លាប់ខ្លួនពីលើស្ពានជ្រោយចង្វារបន្សល់ទុកម៉ូតូមួយគ្រឿងនិងបណ្ដាំចុងក្រោយ២ច្បាប់សម្រាប់ប្រពន្ធនិងម្ដាយ២ថ្ងៃមុនពេលនេះរកឃើញសាកសពហើយដែលមានសភាពស្អុយរលួយ ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង៤ និងរសៀលនៅថ្ងៃទី២៥ ខែវិច្ឆិកាឆ្នាំ ២០២៤ នៅត្រង់ចំនុចក្រោមស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ ។

សពជនរងគ្រោះមានឈ្មោះម៉ី  រតនៈ អាយុ២៤ឆ្នាំ មុខរបរអ្នកដឹកជញ្ជូន មានអាសយដ្ឋានផ្ទះលេខ ៣៩៥ កផ្លូវលំ  ភូមិមិត្តភាព សង្កាត់ឬស្សីកែវ ខណ្ឌឬស្សីកែវ  រាជធានីភ្នំពេញ។

បើយោងតាមប្រភពព័ត៌មានពីក្រុមគ្រួសារសពជនរងគ្រោះបានប្រាប់អោយដឹងថាក្រោយពីទទួលព័ត៌មានថាកូនប្រុសរបស់ខ្លួនបានលោតទឹកសម្លាប់ខ្លួនលើស្ពានជ្រោយចង្វារ និងបានអានបណ្ដាំចុងក្រោយដែលកូនរបស់គាត់បានសរេសរទុកឲ្យក្រុមគ្រួសារបានដឹង ។
បន្ទាប់មកក្រុមគ្រួសារក៍បានជួលទូកអ្នកនេសាទដើម្បីស្វែងរកសាកសពកូនប្រុសអស់រយះ២យប់២ថ្ងៃមកហើយ លុះដល់ថ្ងៃទី២៥ ខែវិច្ឆិកា ឆ្នាំ២០២៤ នៅវេលាម៉ោង៤ រសៀល ក៍ផុសសាកសពបុរសខាងលើចេញពីក្នុងទឹក នៅកណ្ដាលទន្លេត្រង់ចំណុចមុខកោះពេជ្រ បន្ទាប់មកក៍បានយកខ្សែចងសពអូសមកត្រើយម្ខាង នៅក្រោមស្ពានជ្រោយចង្វារដើម្បីត្រួតពិនិត្យផងដែរ និងបានទំនាក់ទំនងទៅសមត្ថកិច្ចមូលដ្ឋាននិងសមត្ថកិច្ចជំនាញដើម្បីធ្វើកោសល្យវិច័យ ។

គួរបញ្ជាក់ថា កាលពីថ្ងៃទី២៣ ខែវិច្ឆិកា ឆ្នាំ២០២៤ សពបុរសខាងលើបានជិះម៉ូតូមួយគ្រឿងម៉ាកហុងដាឌ្រីមសេ ១២៥ ពាក់ផ្លាកលេខ ភ្នំពេញ 1IJ 1196 ដឹកកេសដាក់ម្ហូបអាហារ food penda មកឈប់នៅលើស្ពានជ្រោយចង្វារអស់រយៈពេលប្រមាណជាង ១ ម៉ោងដោយទឹកមុខសម្ងួរស្ងាត់។នៅយប់នោះពុំមាននរណាម្នាក់ចាប់អារម្មណ៍ឡើយ លុះក្រោយមកគេឃើញបុរសរូបនោះបានតោងបង្កាន់ដៃស្ពានលោតចុះទៅក្នុងទន្លេសម្លាប់ខ្លួនបន្សល់ទុកម៉ូតូមួយគ្រឿងនិងលិខិតបណ្ដាំចុងក្រោយព្រមអត្តសញ្ណាណប័ណ្ណ។
.ដោយបានសរេសរថា ( ឲ្យកូនសុំទោសផងណាម៉ាកដែលកូនសម្រេចចិត្ដបែបនេះ នឹងសុំទោសម៉ាក់ដែលកូនមិនអាចមើលថែម៉ាក់បានរស់ស្រួលដូចម៉ាក់គេ។ បងដាជួយមើលថែម៉ាក់ផង ។ ឲ្យបងសុំទោលផងប្រពន្ធរបស់ប្ដីឲ្យប្ដីសុំទោសដែលមិនអាចមើលថែរក្សាអូនតាមពាក្យសន្យាជាមួយអូនឲ្យបងសុំទោស)។ បណ្ដាំចុងក្រោយរបស់បងជូនអូន . បើសិនជារកសាកសពបងឃើញសូមអូនប្រគល់ជូនម៉ាក់ដើម្បីឲ្យម៉ាក់យកទៅធ្វើបុណ្យចុះ បងសុំទោសអូនជាលើកចុងក្រោយហើយម៉ូតូនេះក៍បងសុំប្រគល់អោយម៉ាក់ដែរបានអត់អូន? ហើយនិងលុយតិចតួចជូនម៉ាក់ផងណាអូន (បងសុំអរគុណអូនហើយណាបងស្រឡាញ់អូន) ។

បន្ទាប់ពីទទួលបានព័ត៌មានរួចសមត្ថកិច្ចជំនាញក៍បានមកដល់ទីតាំងកន្លែងសាកសពបានធ្វើការត្រួតពិនិត្យនិងធ្វើកោសល្យវិច័យសពរួច ដោយបានបញ្ជាក់និងសន្និដ្ឋានបានថាសាកសពបុរសខាងលើពិតជាស្លាប់ដោយលុងទឹកពិតប្រាកដមែន ដោយមានការអះអាងពីក្រុមគ្រួសារថាសពនោះគឺជាកូនប្រុសរបស់គាត់ពិតមែនដែលឃើញពាក់អាវក្រុមហ៊ុន foodpenda ដែលលោតទឹកកាលពីថ្ងៃទី២៣ សមត្ថកិច្ចជំនាញក៍បានប្រគល់សាកសពជូនសាច់ញាតិយកធ្វើបុណ្យទៅតាមប្រពៃណី ៕ ដោយ​ ៖​ ភារ៉ា​ ដង្កោ