ភ្នំពេញៈ ជនជាតិចិនបេីករថយន្តឡង់គ្រីស័របត់ត្រលប់ក្រោយខ្វះការប្រុងប្រយ័ត្នក៏ជ្រុលទៅបុកនិងម៉ូតូធន់ធំ ជិះដោយបុរសម្នាក់បណ្ដាលអោយដួលរងការខូចខាត ខាងរថយន្តបែជាព្យាយាមបេីករថយន្តរត់គេចតែត្រូវសន្តិសុខកោះពេជ្រឃាត់បានមកវិញ ។
ហេតុការណ៍នេះបានកេីតឡេីងនៅវេលាម៉ោង១១យប់ថ្ងៃទី២៦ខែវិច្ឆិកាឆ្នាំ២០២៤ ក្នុងបរិវេណទីក្រុងកោះពេជ្រ ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសម្នាក់បានជិះម៉ូតូធន់ធំម៉ាក CB ពណ៌ខ្មៅពាក់ស្លាកលេខ1KU9705 ធ្វើដំណើរតាមបណ្ដោយផ្លូវកោះពេជ្រ ទិសដៅពីជើងទៅត្បូង លុះមកដល់ចំនុចកេីតហេតុ បានជិះវ៉ារថយន្តឡង់គ្រីស័រ ពណ៌ស ពាក់ស្លាកលេខ ភ្នំពេញ 2BP 3098 បេីកធ្វើបុរសជនជាតិចិនអ្នក ខណៈពេលជិះវ៉ា ក៍ត្រូវរថយន្តបេីកបត់ឆ្វេងត្រលប់ក្រោយវិញ ដោយមិនបានមេីលឆ្វេងស្ដាំអោយច្បាស់លាស់ក៍ជ្រុលទៅបុុកនិងម៉ូតូធន់ធំបណ្តាលឲ្យដួលខ្ទាតផ្ទុបនិងទ្រូងផ្លូវរងការខូចខាតម៉ូតូយ៉ាងដំណំ ព្រមទាំងធ្វើមនុស្សរបួសរលាត់ដៃជើងតិចតួច ។
ដោយឡែកខាងរថយន្តវិញ រងការខូចខាតខ្ទេចផែ្នកខាងមុខធ្លាក់កាងនៅកន្លែងកេីតហេតុ ហេីយភា្លមៗនោះអ្នកបេីកបរមិនព្រមឈប់ទទួលខុសត្រូវនោះទេក៍ព្យាយាមបេីករថយន្តរត់គេចរហូតដល់ច្រកចេញកោះពេជ្រ ក៍ត្រូវពលរដ្ឋសហការជាមួយនិងសន្តិសុខកោះពេជ្រឃាត់រថយន្ដនិងអ្នកបេីកបរបាន មកកន្លែងកើតហេតុ ប្រគល់អោយសមត្ថកិច្ចជំនាញធ្វើការដោះស្រាយ ។
ករណីនេះផងដែរភាគីខាងម៉ូតូទាមទារសំណងចំនួន៣៨០០ដុល្លារពីខាងរថយន្ត តែពេលនោះខាងរថយន្តសុំយកម៉ូតូទៅជួសជុលនិងព្យាបាលរបួសអោយវិញដេីម្បីបញ្ចប់រឿងតែម្ដង ៕
ដោយ៖សុខាសែនជ័យ
