ភ្នំពេញ ៖ សន្តិភាព និងស្ថិរភាពគឺជាគ្រឹះដ៏សំខាន់សម្រាប់ការអភិវឌ្ឍប្រទេសឲ្យមានភាពរុងរឿងនាពេលអនាគត។ ប្រទេសណាមួយដែលអាចរក្សាសន្តិភាព និងស្ថិរភាពបាន នឹងមានសក្តានុពលបញ្ចេញសមត្ថភាពសេដ្ឋកិច្ច សង្គម និងវប្បធម៌ដោយឥតដែនកំណត់។ សន្តិភាពជាប្រភពនៃការបង្កើតជីវភាពប្រកបដោយសេចក្ដីសុខ និងការពង្រឹងភាពរួបរួមសហគមន៍ ខណៈស្ថិរភាពនាំមកនូវការទាក់ទាញការវិនិយោគ និងការជឿជាក់ពីសហគ្រិន និងប្រជាជន។
ក្នុងបរិបទកម្ពុជា ក្រោយសង្គ្រាមស៊ីវិលដ៏រ៉ាំរ៉ៃ សន្តិភាពបានផ្លាស់ប្តូររូបរាងប្រទេសដ៏កម្សត់មួយនេះ ក្រោមនយោបាយឈ្នះ-ឈ្នះ របស់សម្តេចតេជា ហ៊ុន សែន ដែលជាបិតាស្ថាបនិកសន្តិភាពនៃកម្ពុជាយើង។ ការរក្សាស្ថិរភាពនយោបាយ និងសេដ្ឋកិច្ចបានបំផុសឱ្យកម្ពុជាមានសមត្ថភាពក្នុងការទាក់ទាញការវិនិយោគអន្តរជាតិ និងបង្កើតឱកាសការងារច្រើនសម្រាប់ប្រជាជន។ នេះបាននាំឱ្យប្រជាជនស្គាល់សេចក្ដីសុខ និងសម្រួលការរស់នៅប្រកបដោយសន្តិភាពជាប្រចាំ។
សម្រាប់អនាគត សន្តិភាព និងស្ថិរភាពមិនត្រឹមតែរក្សាទុកប៉ុណ្ណោះទេ វាត្រូវការការរួមចំណែក និងលើកស្ទួយពីយុវជន និងសាធារណជនផងដែរ។ សាមគ្គីភាព និងការលើកកម្ពស់ការយល់ដឹងអំពីតម្លៃសន្តិភាព គឺជាវិធីសាស្ដ្រដ៏សំខាន់ដើម្បីធានាថា កម្ពុជាអាចបន្តអភិវឌ្ឍន៍ជាប្រទេសដែលមានភាពរុងរឿងក្នុងអាស៊ាន និងថ្នាក់តំបន់។
ដូច្នេះ សន្តិភាព និងស្ថិរភាពមិនត្រឹមតែជាគោលដៅរួមដែលយើងប្រាថ្នានោះទេ ប៉ុន្តែក៏ជាមូលដ្ឋានគ្រឹះសម្រាប់កម្ពុជាធ្វើដំណើរទៅរកអនាគតដ៏រុងរឿងផងដែរ៕
ដោយ៖ ពៅ ពេជ្រ
