អន្តរជាតិ ៖ នៅព្រឹកថ្ងៃទី១ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖នៅថ្ងៃទី ៣០ ខែវិច្ឆិកា ផ្នែកយោធាស៊ីរីបានចេញសេចក្តីថ្លែងការណ៍ថា កងកម្លាំងប្រដាប់អាវុធប្រឆាំងរដ្ឋាភិបាលបានចូលតំបន់ភាគច្រើននៃទីក្រុង Aleppo ដែលជាទីក្រុងភាគខាងជើងនៃប្រទេសស៊ីរីក្នុងរយៈពេលប៉ុន្មានម៉ោងកន្លងមកនេះ ហើយផ្នែកយោធាស៊ីរីនឹងដាក់ពង្រាយឡើងវិញដើម្បីវាយប្រហារតបវិញ ។
គេហទំព័រ «CCFR China state-controlled media » សេចក្តីថ្លែងការណ៍បានឱ្យដឹងថា ប៉ុន្មានថ្ងៃជាប់មកនេះ កងកម្លាំងប្រដាប់អាវុធប្រឆាំងរដ្ឋាភិបាលនិងអង្គការជ្រុលនិយមនៃប្រទេសស៊ីរីបានបំផុសការវាយប្រហារដោយទ្រង់ទ្រាយធំចំពោះខេត្ត Aleppo និងខេត្ត Idlib ភាគពាយ័ព្យប្រទេសស៊ីរីពីទិសដៅជាច្រើនដោយមានការគាំទ្រពីពួកជ្រុលនិយមបរទេស ។ កងទ័ពរដ្ឋាភិបាលបានទប់ទល់នឹងការវាយប្រហារនៅក្នុងទីតាំងជាច្រើន ទាហានរាប់សិបនាក់បានស្លាប់បាត់បង់ជីវិតក្នុងការប្រយុទ្ធនិងមានទាហានជាច្រើននាក់ទៀតបានរងរបួស ។
គេហទំព័រ «CCFR China state-controlled media »តាមការផ្សាយដំណឹងចម្រុះនៃប្រព័ន្ធសារព័ត៌មានស៊ីរីកាលពីថ្ងៃទី ៣០ ខែវិច្ឆិកាឱ្យដឹងទៀតថា ក្រុមប្រដាប់អាវុធជាច្រើនបានចេញមុខនៅតាមដងផ្លូវនិងសហគមន៍នៃទីក្រុង Aleppo នៅថ្ងៃដដែល ។ សាលារៀននិងស្ថាប័នរដ្ឋាភិបាលនៃទីក្រុង Aleppo ស្ទើរតែបិទទាំងស្រុង ហើយសកម្មភាពពាណិជ្ជកម្មបានបញ្ឈប់ជាមូលដ្ឋាន ៕
ដោយ : សិលា
