ភ្នំពេញៈ បុរសជនជាតិចិនបេីករថយន្តម៉ាក camry hybrid ជ្រុលទៅបុករថយន្តម៉ាកtoyota prius ដែលបេីកដោយបុរសខ្មែរនៅផ្លូវបំបែកជាបួន បណ្តាលឱ្យរថយន្តទាំង២គ្រឿងរេចង្កូតទៅបុកបង្កាន់ដៃដែករបងផ្ទះប្រជាពលរដ្ឋរងការខូចខាត ។
ហេតុការណ៍នេះបានកេីតឡេីងនៅវេលាម៉ោង១រំលងអធ្រាត្រឈានចូលថ្ងៃទី៣ ខែធ្នូ ឆ្នាំ២០២៤ នៅចំនុចផ្លូវលេខ១៩៤កែងផ្លូវលេខ៣៧៤ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញប្តីប្រពន្ធ២នាក់ ដោយបុរសជាប្តីជាអ្នកបេីករថយន្តម៉ាក toyota prius ពណ៌ទឹកប្រាក់ ពាក់ស្លាកលេខ ភ្នំពេញ 2BT-8224 ធ្វើដំណើរតាមបណ្ដោយផ្លូវ១៩៣ក្នុងទិសដៅពីកេីតទៅលិច លុះមកដល់ចំនុចកេីតហេតុដែលជាផ្លូវបំបែកជាបួន ក៏ស្រាប់តែបុរសជនជាតិចិនម្នាក់ បានបេីករថយន្តម៉ាក camry hybrid ពណ៌ស ពាក់ស្លាកលេខ ភ្នំពេញ 2W-8109 ធ្វើដំណើរតាមបណ្ដោយផ្លូវលេខ៣៧៤ក្នុងទិសដៅពីត្បូងទៅជេីងដោយល្បឿនលឿនក៏ជ្រុលទៅបុករថយន្ត toyota prius ចំថ្ពាល់មុខចំហៀងខាងឆ្វេងយ៉ាងពេញទំហឹង បណ្តាលឱ្យរថយន្តទាំង២គ្រឿងរេចង្កូតទៅបុកផ្ទប់នឹងបង្កាន់ដៃដែករបងផ្ទះប្រជាពលរដ្ឋតិចតួច ធ្វើឲ្យរថយន្ដtoyota prius រងការខូចខាតក្រពឹតទ្វារមុខចំហៀងខាងឆ្វេងនិងវៀចកង់ព្រមទាំងធ្វើឱ្យមនុស្សរបួសតិចតួច ។
ដោយឡែកខាងរថយន្តcamry hybrid រងការខូចខាតខ្ទេចផែ្នកខាងមុខ តែមិនមានគ្រោះដល់មនុស្សនោះទេ ។
ក្រោយកេីតហេតុក៏មានតំណាងភាគីទាំងសងខាងបានសម្របសម្រួលគ្នាដោយខាងរថយន្ត camry hybrid សុខចិត្តចេញថ្លៃការជួសជុលទៅខាងរថយន្តម្ខាងទៀតដេីម្បីបញ្ចប់រឿង ៕
ដោយ៖សុខាសែនជ័យ
