ភ្នំពេញ៖ បុរសម្នាក់សង្ស័យស្រវឹងបើករថយន្តford ranger ជ្រុលទៅបុកជាមួយនឹងក្បាលនាគថ្មពុះចែកទ្រូងផ្លូវបណ្ដាលឲ្យរងការខូចខាតរថយន្តយ៉ាងដំណំ ។
ហេតុការណ៍នេះបានកើតឡើងនៅវេលា១២និង៣០នាទីរំលងអាធ្រាត្រចូលចូលថ្ងៃទី១០ខែធ្នូឆ្នាំ២០២៤ទល់មុខស្ថានទូតវៀតណាម ផ្លូវព្រះមុនីវង្ស សង្កាត់ បឹងត្របែក ខណ្ឌចំការមនរាជធានីភ្នំពេញ ។
តាមប្រភពព័ត៌មានពីអ្នកឃើញហេតុការណ៍បានឲ្យដឹងថាមុនពេលកើតហេតុគេបានឃើញបុរសម្នាក់វ័យប្រហែលជាង៥០ឆ្នាំម្នាក់បានបើករថយន្ត ម៉ាកford ranger ពណ៌ខ្មៅពាក់ស្លាកលេខ ភ្នំពេញ 2BV 2227 បេីកធ្វើដំណើរតាមបណ្ដោយផ្លូវព្រះមុនីវង្សក្នុង ពីជើងទៅត្បូងលុះមកដល់ចំណុចកើតហេតុដោយសង្ស័យថាអ្នកបើកបរស្រវឹងមើលផ្លូវមិនច្បាស់ទេីបធ្វើឲ្យរថយន្តជ្រុលទៅបុកជាមួយនឹងក្បាលនាគថ្មពុះចែកទ្រូងផ្លូវយ៉ាងពេញទំហឹងបណ្ដាលឲ្យរថយន្តរងការខូចខាតខ្ទេចផ្នែកខាងមុខចំហៀងខាងស្ដាំ ទៅមុខលែងរួច តែសំណាងល្អក្នងហេតុការណ៍នេះមិនបង្កគ្រោះថ្នាក់ដល់មនុស្ស ។
ដោយឡែកក្បាលនាគថ្មពុះចែកទ្រូងផ្លូវវិញរងការខូចខាតទ្រង់ទ្រាយដើមតិចតួចតែប៉ុណ្ណោះ ។ ពាក់ព័ន្ធករណីនេះដែរអ្នកបើកបរក៏ត្រូវសមត្ថកិច្ចឃាត់យកទៅប៉ុស្ត៍រងចាំប្រគល់ឲ្យផ្នែកជំនាញចរាចរណ៍ ចាត់ការបន្ត ។
ក្រោយកើតហេតុដោយសារមិនអាចដោះស្រាយបានមធ្យោបាយអ្នកបើកបរទៅប្រគល់ឲ្យខាង ជំនាញការិយាល័យចរាចរណ៍ផ្លូវគោកស្ទូចយកទៅរក្សាទុករង់ចាំដំណោះស្រាយ ៕
ដោយ៖សុខាសែនជ័យ
