ខេត្តស្វាយរៀង ៖ កងរាជអាវុធហត្ថខេត្តស្វាយរៀង បញ្ជូនជនសង្ស័យចំនួន០៩នាក់ មកតុលាការខេត្ត ករណីរក្សាទុក ឬជួញដូរ ប្រើប្រាស់ដោយខុសច្បាប់នូវសារធាតុញៀន និងបទកាន់កាប់ ប្រើប្រាស់ នូវអាវុធគ្រឿងផ្ទុះ ដោយគ្មានការអនុញ្ញាត ។

សមត្ថកិច្ច កងរាជអាវុធហត្ថខេត្តស្វាយរៀង បានអោយដឹងនារសៀលថ្ងៃទី១៧ខែធ្នូឆ្នាំ២០២៤ នេះថា

ដោយអនុវត្តបទបញ្ជាដ៏ម៉ឺងម៉ាត់របស់លោកឧត្តមសេនីយ៍ត្រី សុខា រ៉ានាថ មេបញ្ជាការ កងរាជអាវុធហត្ថខេត្តស្វាយរៀង និងដោយមានការសម្របសម្រួលនីតិវិធីពីលោក ខាំ សុផារី ព្រះរាជអាជ្ញា នៃអយ្យការអមសាលាដំបូងខេត្តស្វាយរៀង នៅវេលាម៉ោង១៣ និង៣០ នាទី ថ្ងៃទី១១ ខែធ្នូ ឆ្នាំ២០២៤ កម្លាំងមន្ទីរស្រាវជ្រាវ និងបង្ក្រាបបទល្មើស សហការជាមួយកម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរង ទទួលជំនាញ បានធ្វើប្រតិបត្តិការបង្ក្រាបករណីរក្សាទុក ឬជួញដូរ ប្រើប្រាស់ដោយខុសច្បាប់នូវសារធាតុញៀន និងបទកាន់កាប់ ប្រើប្រាស់ នូវអាវុធគ្រឿងផ្ទុះ ដោយគ្មានការអនុញ្ញាត នៅចំណុចខាងមុខកាស៊ីណូបាវិតម៉ុកបាយ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង  ឃាត់ខ្លួនជនសង្ស័យចំនួន០៩នាក់ មានឈ្មោះ

១.ឈ្មោះ ជូ វ៉ាងកុង (CHU VAN GONG)  ភេទប្រុស អាយុ ២២ ឆ្នាំជនជាតិវៀតណាម បច្ចុប្បន្នស្នាក់នៅផ្ទះសំណាក់សាន់សាញ បន្ទប់លេខ225  ស្ថិតនៅភូមិបាវិតកណ្តាល សង្កាត់បាវិត ក្រុងបាវិត     ខេត្តស្វាយរៀង ។

២.ឈ្មោះដង វ៉ូធឹក ( DOAN VU THUAT ) ភេទប្រុស អាយុ៣៧ឆ្នាំជនជាតិវៀតណាម មុខរបរបុគ្គលិកផ្ទះសំណាក់៦៨ (គិតលុយ លើកទឹក និងផ្លែឈើ) មានទីលំនៅបច្ចុប្បន្នស្នាក់នៅផ្ទះសំណាក់៦៨ ស្ថិតនៅភូមិបាវិត កណ្ដាល សង្កាត់បាវិត ក្រុងបាវិត ខេត្តស្វាយរៀង ។

៣.ឈ្មោះង្វៀង វាំងឡុង ( NGUYEN VAN LONG ) ភេទប្រុស អាយុ៣២ឆ្នាំ ជនជាតិវៀតណាម មុខរបរបុគ្គលិកផ្ទះសំណាក់៦៨ (ផ្នែកលើកទឹកសុទ្ធ និងផ្លែឈើ) មានទីលំនៅបច្ចុប្បន្នស្នាក់នៅបន្ទប់លេខ៣០៤ ផ្ទះសំណាក់៦៨ ស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។

៤.ឈ្មោះង្វៀង វាំងទុង  ភេទប្រុស អាយុ៣២ ឆ្នាំជនជាតិវៀតណាម មុខរបរមិនពិតប្រាកបច្ចុប្បន្នស្នាក់

នៅបន្ទប់ជួល ភូមិនបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។

៥.ឈ្មោះចាំង ស៊ុនទុង ភេទប្រុស អាយុ ១៧ ឆ្នាំជនជាតិវៀតណាម មុខរបរដឹកជញ្ជូន បច្ចុប្បន្នស្នាក់នៅក្នុងផ្ទះសំណាក់៦៨ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

៦.ឈ្មោះង្វៀង វាំងហ្វុង  ភេទប្រុស អាយុ១៩ឆ្នាំជនជាតិវៀតណាម  មុខរបរមិនពិតប្រាកដ បច្ចុប្បន្នស្នាក់ផ្ទះសំណាក់៦៨ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

៧.ឈ្មោះម៉ា ទីហេវ  ភេទប្រុស អាយុ ៣៦ ឆ្នាំជនជាតិវៀតណាម មុខរបរចុងភៅ បច្ចុប្បន្នស្នាក់ផ្ទះសំណាក់៦៨ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

៨.ឈ្មោះហ្វាម វាំងជី (PHAM YAN CHI) ភេទប្រុស អាយុ២១ឆ្នាំជនជាតិវៀតណាម មុខរបរបុគ្គលិកផ្ទះសំណាក់៦៨ បច្ចុប្បន្នស្នាក់ផ្ទះសំណាក់៦៨ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

៩.ឈ្មោះង្វៀង  ជឿងសឺង  ភេទប្រុស អាយុ ៣១ ឆ្នាំជនជាតិវៀតណាម មុខរបរមិនពិតប្រាកដ បច្ចុប្បន្នស្នាក់ផ្ទះសំណាក់៦៨ បន្ទប់៣០៥ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

ប្រភពបន្តថា វត្ថុតាងដកហូតរួមមាន៖ សារធាតុញៀនសរុបចំនួន ១៨៧កញ្ចប់ ទម្ងន់ ២,៤០៩.៨ ក្រាម (គិតទាំងសំបកវេចខ្ចប់), ជញ្ជីងសម្រាប់ថ្លឹងគ្រឿងញៀន ចំនួន០៣ គ្រឿង, លិខិតឆ្លងដែន ចំនួន០៧ ក្បាល, ប័ណ្ណបើកបរចំនួន០២សន្លឹក, ទូរស័ព្ទដៃចំនួន២០គឿង, កុំព្យូទ័រលើតុចំនួន០១គឿង, កាំភ្លើងខ្លីចំនួន០១ដើម, បង់កាំភ្លើងខ្លីចំនួន០១, គ្រាប់កាំភ្លើងមិនទាន់ផ្ទុះចំនួន២៦គ្រាប់, ពិលឆក់ចំនួន០៣គឿង, ខ្សែរិតជ័រចំនួន០១ដុំ, អត្តសញ្ញាណប័ណ្ណចំនួន០៨សន្លឹក, សៀវភៅការងារបរទេសចំនួន០១សន្លឹក, សម្ភារប្រើប្រាស់ និងសម្ភារវេចខ្ចប់គ្រឿងញៀនមួយចំនួន។