យោងតាមគណៈកម្មាធិការស៊ើបអង្កេតរុស្ស៊ី (RIC) ជនសង្ស័យដែលត្រូវបានចាប់ខ្លួនកើតនៅឆ្នាំ 1995 បានប្រាប់ដំណើរការទាំងមូលនៃការអនុវត្តការធ្វើឃាតឧត្តមសេនីយ៍រុស្ស៊ី។

សារព័ត៌មាន RT (រុស្ស៊ី) ថ្ងៃទី១៨ ខែធ្នូ បានផ្សាយថា គណៈកម្មាធិការស៊ើបអង្កេតរុស្ស៊ីបានប្រកាសថា ខ្លួនបានចាប់ខ្លួនជនសង្ស័យម្នាក់ពាក់ព័ន្ធនឹងការធ្វើឃាតលោកឧត្តមសេនីយ៍ឯក Igor Kirillov ។
យោងតាមក្រុមអ្នកស៊ើបអង្កេត ជនសង្ស័យដែលត្រូវបានចាប់ខ្លួនគឺជាជនជាតិ Uzbek កើតក្នុងឆ្នាំ 1995។ របាយការណ៍ស៊ើបអង្កេតបង្ហាញថា ជនសង្ស័យបានអះអាងថាត្រូវបានជ្រើសរើសដោយចារកម្មអ៊ុយក្រែន និងដើម្បីទៅទីក្រុងមូស្គូដើម្បីធ្វើការវាយប្រហារ។
បើតាមការស៊ើបអង្កេត ជនសង្ស័យបានអះអាងថា ខ្លួនបានទទួលអាវុធជាតិផ្ទុះមួយដើម យកមកដាក់លើម៉ូតូស្គូពី ហើយបានយកវាមកក្បែរផ្ទះរបស់ឧត្តមសេនីយ៍រុស្ស៊ី។
ដើម្បីត្រួតពិនិត្យតំបន់នោះ ជនសង្ស័យបានជួលរថយន្តដែលបំពាក់ដោយកាមេរ៉ាឃ្លាំមើល និងបានបញ្ជូនរូបភាពផ្ទាល់ទៅកាន់ក្រុមអ្នកបញ្ជានៅក្នុងទីក្រុង Dnipro (Dnepr) ប្រទេសអ៊ុយក្រែន។
នៅពេលដែលក្រុមជនសង្ស័យបានទទួលសញ្ញាដែលមើលឃើញដែលបង្ហាញពីឧត្តមសេនីយ៍រុស្ស៊ីចាកចេញពីអគារនោះ គ្រឿងផ្ទុះត្រូវបានបំផ្ទុះពីចម្ងាយ។ ការស៊ើបអង្កេតបានបង្ហាញថា ជនសង្ស័យសញ្ជាតិ Uzbek ត្រូវបានគេសន្យាថានឹងផ្តល់ប្រាក់រង្វាន់ចំនួន $100,000 និងសិទ្ធិក្នុងការរស់នៅក្នុងប្រទេសអឺរ៉ុបមួយបន្ទាប់ពីបញ្ចប់បេសកកម្ម។
យោងតាមទីភ្នាក់ងារព័ត៌មាន Reuters ក្រុមអ្នកស៊ើបអង្កេតបាននិយាយថា ពួកគេកំពុងកំណត់អត្តសញ្ញាណជនសង្ស័យផ្សេងទៀត ដែលពាក់ព័ន្ធនឹងការធ្វើឃាតលោកឧត្តមសេនីយ៍ឯក Kirillov ។
អ៊ុយក្រែនមិនបានធ្វើអត្ថាធិប្បាយជុំវិញហេតុការណ៍នេះទេ។
ការផ្ទុះនេះបានកើតឡើងនៅម៉ោងប្រហែល ៦ ព្រឹក ថ្ងៃទី ១៧ ខែធ្នូ នៅពេលដែលលោក Kirillov និងជំនួយការរបស់គាត់បានចាកចេញពីអគារ។ ទាំងគាត់ និងជំនួយការរបស់គាត់ត្រូវបានសម្លាប់៕ ដោយធីរីណា

រូបថត​: FSB