ខេត្តស្វាយរៀង៖ ផ្អើលទាំងព្រឹក ដល់បងប្អូនប្រជាពលរដ្ឋធ្វើដំណើរ និងរាយការណ៍មកសមត្ថកិច្ចមូលដ្ឋាន ខណៈ ប្រទះឃើញ នារីម្នាក់ស្លាប់ក្នុងទឹកប្រលាយ ដោយសង្ស័យមានវិបត្តិផ្លូវចិត្ត។
ហេតុការណ៍ភ្ញាក់ផ្អើលកាលពីវេលាម៉ោងប្រមាណ៧ព្រឹក ថ្ងៃទី២២ខែធ្នូឆ្នាំ២០២៤ ស្ថិតក្នុងទឹកប្រលាយ ភូមិតេជោ ឃុំសង្កែ ស្រុករំដួលខេត្តស្វាយរៀង។
យោងតាមសមត្ថកិច្ចនគរបាលស្រុករំដូលបានអោយដឹងថា នារីខាងលើមាន ឈ្មោះ ចក់ស្រីនាង អាយុ១៨ឆ្នាំ រស់ក្នុងភូមិតាជោ ឃុំសង្កែ ស្រុករំដួល។
តាមសាក្សី ម្នាក់ បានអោយដឹងថា មុនដំបូង គាត់បានជិះម៉ូតូធ្វើដំណើរទៅធ្វើការ លើផ្លូវប្រឡាយ ឆ្លងកាត់ដូចសព្វដង ខណៈនោះគាត់បានក្រឡេកឃើញមានសព អណ្ដែតទឹក ទើបមានការភ្ញាក់ផ្អើល ស្រែកហៅអ្នកភូមិនាំគ្នាប្រញាប់ប្រញាល រាយការណ៍មកសមត្ថកិច្ចអាជ្ញាធរភូមិ មកពិនិត្យសព។
ក្រោយមកសមត្ថកិច្ចមូលដ្ឋានបានមកដល់រាយការណ៏មកអធិការដ្ឋាននគរបាលជំនាញស្រុកដោយសហការជាមួយគ្រូពេទ្យនិងនគរបាលប៉ុស្តិ៍រដ្ឋបាលសង្កែរ ស្រង់ចេញពីក្នុងទឹកប្រលាយដាក់លើគោក និងបានហ៊ុំព័ទ្ធខ្សែរ ដើម្បីពិនិត្យសាកសព។
បើតាមអ្នកភូមិបានអោយដឹងថា នារីខាងលើ ធ្លាប់ត្រូវបានឪពុកម្ដាយ ស្ដីបន្ទោស ថា ខ្លូននៅក្មេង កុំអោយគិតគូររឿងស្នេហា ចាំមានការងារធ្វើសិន ខណៈនារីរងគ្រោះធ្លាប់មានទំនាក់ទំនងជាមូយបុរសម្នាក់ ប្រមាណ២ឆ្នាំមកហើយ។
ក្រោយពីពិនិត្យសពរួចសមត្ថកិច្ចបានធ្វើកំំណត់ហេតុនិងបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ៖ សុថាន
