ប្រធានាធិបតីជាប់ឆ្នោតអាមេរិកលោក Donald Trump បានបដិសេធព័ត៌មានដែលថាមហាសេដ្ឋី Elon Musk បានគ្របដណ្ដប់អំណាចរបស់គាត់ហើយបានអះអាងថា អ្នកមានបំផុតនៅលើពិភពលោកមិនមានលក្ខណៈសម្បត្តិគ្រប់គ្រាន់ដើម្បីក្លាយជាម្ចាស់សេតវិមាននាពេលអនាគត។
“ទេ គាត់នឹងមិនក្លាយជាប្រធានាធិបតីទេ” ប្រធានាធិបតីជាប់ឆ្នោត Trump បានប្រកាសនៅក្នុងសន្និសិទ Turning Point USA នៅទីក្រុង Phoenix រដ្ឋ Arizona (សហរដ្ឋអាមេរិក) នៅថ្ងៃទី 22 ខែធ្នូនៅពេលសំដៅទៅលើមហាសេដ្ឋី Elon Musk ។
លោក Trump បានកត់សម្គាល់បន្ថែមទៀតថា “ខ្ញុំអាចប្រាប់អ្នកថា គាត់នឹងមិនក្លាយជាប្រធានាធិបតីទេ។ តើអ្នកដឹងទេថាហេតុអ្វី? ដោយសារតែគាត់មិនបានកើតនៅក្នុងប្រទេសនេះ” ។ “អ្នកដឹងទេ ឥឡូវនេះមានពាក្យចចាមអារ៉ាមថ្មីៗ ក៏ដូចជាព័ត៌មានក្លែងក្លាយផ្សេងៗគ្នាជាច្រើន។ ក្នុងចំណោមព័ត៌មានក្លែងក្លាយចុងក្រោយបំផុតនោះគឺថា “ប្រធានាធិបតី Trump បានយល់ព្រមលើតំណែងរបស់គាត់ចំពោះ Elon Musk” វានឹងមិនកើតឡើងទេ” ។
ការអត្ថាធិប្បាយខាងលើត្រូវបានធ្វើឡើងដោយប្រធានាធិបតីជាប់ឆ្នោត Trump បន្ទាប់ពីគណបក្សប្រជាធិបតេយ្យជាច្រើនបានពណ៌នាមហាសេដ្ឋីបច្ចេកវិទ្យា Elon Musk ថាជា “ប្រធានាធិបតីស្រមោល” ដោយសារតែឥទ្ធិពលដ៏អស្ចារ្យរបស់គាត់លើនយោបាយអាមេរិកបច្ចុប្បន្ន។ ទំនាក់ទំនងរវាងអ្នកទាំងពីរបានក្លាយជាប្រធានបទនៃការព្រួយបារម្ភនាពេលថ្មីៗនេះ បន្ទាប់ពីលោក Trump បានជ្រើសរើសមហាសេដ្ឋី Musk ឱ្យធ្វើជាសហប្រធាននាយកដ្ឋានប្រសិទ្ធភាពរដ្ឋាភិបាល (DOGE) ដែលជាកិច្ចខិតខំប្រឹងប្រែងកាត់បន្ថយការចំណាយរបស់សហព័ន្ធ។
តួនាទីរបស់ Elon Musk នៅក្នុងរដ្ឋបាលថ្មីក៏មានភាពចម្រូងចម្រាសផងដែរ នៅពេលដែលក្រុមហ៊ុនដែលគាត់មានដូចជា Tesla, Boring Co. ហើយ SpaceX ត្រូវបានគ្រប់គ្រងដោយបទប្បញ្ញត្តិសហព័ន្ធ។ បុរសមានជាងគេបំផុតរបស់ពិភពលោកក៏បានចូលរួមចំណែកក្នុងការកែប្រែច្បាប់ថវិកាពីសភាសហរដ្ឋអាមេរិកកាលពីសប្តាហ៍មុនតាមរយៈការបង្ហោះនៅលើបណ្តាញសង្គម X ដែលគាត់ជាម្ចាស់។
ទោះជាយ៉ាងណាក៏ដោយ រដ្ឋធម្មនុញ្ញរបស់សហរដ្ឋអាមេរិកតម្រូវឱ្យប្រធានាធិបតីត្រូវតែជាពលរដ្ឋដែលកើតនៅក្នុងប្រទេសនេះ ខណៈដែល Elon Musk កើតនៅអាហ្វ្រិកខាងត្បូង ហើយទើបតែក្លាយជាពលរដ្ឋអាមេរិកតាំងពីឆ្នាំ 2002 មកនោះទេ។ នេះធ្វើឱ្យមហាសេដ្ឋីវ័យ 53 ឆ្នាំរូបនេះមិនមានលក្ខខណ្ឌគ្រប់គ្រាន់សម្រាប់សេតវិមាន។
ថ្លែងផងដែរនៅទីក្រុង Phoenix នៅថ្ងៃទី 22 ខែធ្នូ ប្រធានាធិបតីជាប់ឆ្នោត Trump បាននិយាយថា ប្រធានាធិបតីរុស្ស៊ី លោក Vladimir Putin ចង់ជួបគាត់ “ឱ្យបានឆាប់តាមដែលអាចធ្វើទៅបាន” ហើយថាគាត់ផ្ទាល់ចង់បញ្ចប់ជម្លោះយោធារវាងរុស្ស៊ី និងអ៊ុយក្រែន “ឱ្យបានឆាប់រហ័ស” ៕ ដោយធីរីណា
រូបថត: kinhtedothi
