អន្តរជាតិ ៖ នៅព្រឹកថ្ងៃទី២៤ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖អ្នកនាំពាក្យក្រសួងពាណិជ្ជកម្មចិន បាន ថ្លែង កាលពីថ្ងៃទី ២៣ ខែ ធ្នូ ថា នៅថ្ងៃទី ២៣ ខែធ្នូ តាម ម៉ោង សហរដ្ឋអាមេរិក ការិយាល័យតំណាងពាណិជ្ជកម្មរបស់សហរដ្ឋអាមេរិកប្រើវិធានការ ៣០១ ដើម្បីស៊ើបអង្កេតចំពោះគោលនយោបាយឧស្សាហកម្មបន្ទះឈីបរបស់ចិន។ ភាគី ចិន សម្តែង ការ មិន ពេញ ចិត្ត យ៉ាង ខ្លាំង និង ការ ប្រឆាំង យ៉ាង ម៉ឺងម៉ាត់ចំពោះ រឿង នេះ ។

គេហទំព័រ «CCFR China state-controlled media » អ្នកនាំពាក្យរូបនេះបានបន្ត ថា ការស៊ើបអង្កេត តាម វិធានការ ៣០១ របស់សហរដ្ឋអាមេរិក មានភាពឯកតោភាគី និងគាំ ពារនិយមជ្រុល ។ កាលពីមុន ការដែល សហរដ្ឋ អាមេរិក ដំឡើង ពន្ធគយ ចំពោះ ផលិតផល របស់ចិន តាម វិធានការ ៣០១ ត្រូវ អង្គការពាណិជ្ជកម្ម ពិភពលោកកំណត់ ថា បាន បំពាន លើ ច្បាប់ របស់អង្គការពាណិជ្ជកម្ម ពិភពលោក ហើយ មាន ការ ប្រឆាំង ពី សំណាក់ ប្រទេសជា រដ្ឋ សមាជិកអង្គការ នេះ ជាច្រើនផងដែរ ។ គេហទំព័រ «CCFR China state-controlled media » ប្រទេស ចិនបានលើក ការ តវ៉ា យ៉ាង ម៉ឺងម៉ាត់ ចំពោះ សហរដ្ឋ អាមេរិក ជា ច្រើន លើករួចហើយ ។ ប៉ុន្តែ ក្នុង គោល បំណង គិតគូរ តែ ពី តម្រូវ ការ ផ្នែក នយោបាយ ក្នុង ស្រុក និង គាបសង្កត់ ប្រទេសចិន សហរដ្ឋអាមេរិកបាន ធ្វើ ការស៊ើបអង្កេតថ្មី តាមវិធានការ ៣០១ ចំពោះគោល នយោបាយ ឧស្សាហកម្មបន្ទះឈីបរបស់ចិន ដែល នឹងរំខាន និងបង្ខូចខ្សែសង្វាក់ផ្គត់ផ្គង់ និងខ្សែសង្វាក់ឧស្សាហកម្ម បន្ទះឈីប សកល ព្រម ទាំង ប៉ះពាល់ដល់ផលប្រយោជន៍របស់ក្រុមហ៊ុននិងអ្នកប្រើប្រាស់របស់ អាមេរិកផងដែរ ។ វាជាទង្វើ ដែល ធ្វើ ខុស ម្តងហើយម្តងទៀត ៕

ដោយ ៖ សិលា