ភ្នំពេញ ៖ នៅល្ងាចថ្ងៃទី២៣ ខែធ្នូ ឆ្នាំ២០២៤ យុវជនស្ម័គ្រចិត្តនៃព្រឹត្តិការណ៍សាទរកម្ពុជា កំពុងសមសម្តែងការបង្ហូតទង់ជាតិនៅមុខព្រះបរមរាជវាំង ដើម្បីឆ្ពោះទៅកាន់ការសម្តែងនៅក្នុងព្រឹត្តិការសាទរកម្ពុជាដែលប្រព្រឹត្តិទៅ នៅថ្ងៃទី៣១ ខែធ្នូ ឆ្នាំ២០២៤។ លើសពីការមើលឃើញទង់ជាតិ លើសពីការស្តាប់លឺភ្លេងជាតិ និងលើសពីការក្រោកឈរគោរពទង់ជាតិ តែជាការផ្សារភ្ជាប់មនោសញ្ចេតនាទៅកាន់ទង់ជាតិកម្ពុជា ដោយការរួបរួមសាមគ្គី ឯកភាពទៅជាកម្លាំងជាតិតែមួយក្រោមទង់នៃប្រជាជាតិទង់នៃព្រះរាជាណាចក្រកម្ពុជា។

«សាទរកម្ពុជា» ជាព្រឹត្តិការណ៍អបអរសាទរសង្គម និងគុណតម្លៃរួមគ្នា ដែលសសយកធ្វើឡើងដើម្បីបង្ហាញមោទនភាពចំពោះសមិទ្ធផលនៃការអភិវឌ្ឍន៍សង្គមសេដ្ឋកិច្ច និងផ្សាភ្ជាប់ប្រជាជនទៅសង្គមជាតិ តាមរយៈកម្មវិធីនានា។

ព្រឹត្តិការណ៍ «សាទរកម្ពុជា» មានកម្មវិធីដ៏គួឱ្យរំភើបជាច្រើនដូចជា ក្បួនដង្ហែដែលមានអ្នកចូលរួមប្រមាណជាង ៣០០០នាក់ ការរចនាតុបតែងដ៏ស្រស់ស្អាតជាច្រើនដែលផ្សារភ្ជាប់គំនិតច្នៃប្រឌិតបុរាណ និងសហសម័យ ល្បែងកំសាន្តទស្សវត្សរ៍ទី៨០ ស្តង់ម្ហូបអាហារ២៥រាជធានី ខេត្ត និងការសម្តែងសិល្បៈទស្សនីយភាពចម្រុះដែលមានសិល្បៈករល្បីៗជាច្រើនរូប ក៏ដូចជាការរាប់ថយក្រោយឆ្លងឆ្នាំសកលជាមួយការបាញ់កាំជ្រួចផងដែរ។

សូមជម្រាបជូនថា សហភាពសហព័ន្ធយុវជនកម្ពុជា បានផ្តួចផ្តើមរៀបចំព្រឹត្តិការណ៍ «សាទរកម្ពុជា» ដើម្បីផ្តល់ឱកាសនៃការជួបជុំប្រជាពលរដ្ឋខ្មែរដើម្បីសាទរនូវ សមិទ្ធផលទាំងឡាយដែលប្រទេសជាតិយើងសម្រេចបានជាច្រើនក្នុងដំណាក់កាលចុងក្រោយនៃប្រវត្តិសាស្រ្ត។ ព្រឹត្តិការណ៍នេះនឹងនាំមកនូវស្នាមញញឹម ភាពសប្បាយរីករាយ ការជួបជុំគ្នាជាលក្ខណៈមហាគ្រួសារខ្មែរនៅក្រោមទង់ជាតិតែមួយ។
តារាចំរៀងលំដាប់លោករបស់កម្ពុជា នៅថ្ងៃទី២៤ ខែធ្នូ ឆ្នាំ២០២៤ បានបង្ហោះថា ៖ កុំភ្លេចណា !!! ជួបគ្នាជាមួយខ្ញុំបាទ វណ្ណដា នៅថ្ងៃទី៣១ ខែធ្នូ ឆ្នាំ២០២៤ និងតារាល្បីៗ ប្រចាំព្រះរាជាណាចក្រកម្ពុជាជាច្រើនរូបទៀត ក្នុងព្រឹត្តិការណ៍ «សាទរកម្ពុជា» ដែលរៀបចំទ្បើងដោយសហភាពសហព័ន្ធយុវជនកម្ពុជា ដោយមានកម្មវិធីពិសេសៗជាច្រើនដូចជា ការដង្ហែក្បួនដ៏អស្ចារ្យ ការសម្តែងសិល្បៈទស្សនីយភាពចម្រុះ ដែលមានសិល្បករសិល្បការិនីល្បីៗជាច្រើនរូប និងការរាប់ថយក្រោយក្រោមពន្លឺកាំជ្រួចដ៏ស្រស់ស្អាត ដើម្បីស្វាគមន៍ឆ្នាំថ្មី និងអញ្ជើញមកភ្លក្សម្ហូបអាហារចម្រុះ និងមកថតរូបជុំគ្នា ជាមួយនឹងការតុបតែងដ៏អស្ចារ្យពីព្រឹត្តិការណ៍របស់យើង 🥰❤️💙
👉 តស់ !!! រួមគ្នាសាទរ សាទរដោយអំណរ សាទរកម្ពុជា !!!

🗓 កាលបរិច្ឆេទ៖ ៣១ ធ្នូ ២០២៤
⏰ ម៉ោង៖ ៣ រសៀល រហូតដល់ ១:០០ រំលងអធ្រាត្រ
📍 ទីតាំង៖ នៅបរិវេណសួនព្រះបរមរាជវាំង (រាជធានីភ្នំពេញ)
📺 ផ្សាយផ្ទាល់៖ គេហទំព័រហេ្វសប៊ុករបស់ BTV, TVK និង សាទរកម្ពុជា Celebrating Cambodia
🗣 កុំភ្លេចចូលរួមទស្សនាដោយសេរីទាំងអស់គ្នា !!! ៕

ដោយ ៖ សិលា