ភ្នំពេញ៖ ស្នងការដ្ឋាននគរបាលរាជធានីភ្នំពេញ នៅព្រឹកថ្ងៃសុក្រទី២៧ ខែធ្នូ ឆ្នាំ២០២៤នេះ បានឱ្យដឹងថា កម្លាំងប៉ុស្តិ៍នគរបាលរដ្ឋបាលជ្រោយចង្វារ បានសហការជាមួយកម្លាំងផ្នែកអន្តរាគមន៍ នៃអធិការដ្ឋាននគរបាលខណ្ឌជ្រោយចង្វារ កាលពីរសៀលថ្ងៃទី២៦ ខែធ្នូម្សិលមិញនេះ បានឃាត់ខ្លួនក្មេងទំនើងចំនួន០៣នាក់ ពាក់ព័ន្ធករណីបង្ហោះម៉ូតូតាមផ្លូវសាធារណៈ នៅចំណុចតូបលក់កាហ្វេមួយកន្លែង ម្ដុំច្រកចូលហាងតាសេត ផ្លូវ កែវចិន្តា សង្កាត់ជ្រោយចង្វារ ខណ្ឌជ្រោយចង្វារ។
ប្រភពដដែលបន្តថា ចំពោះឃាត់ខ្លួនក្មេងទំនើងចំនួន០៣នាក់ខាងលេីនេះរួមមាន៖
១. ឈ្មោះ គឹម សុជាតិ ភេទ ប្រុស មុខរបរ ដឹកអនឡាញ Wow now ស្នាក់នៅផ្ទះ 240E ផ្លូវវត្តចាស់ សង្កាត់ជ្រោយចង្វារ ខណ្ឌជ្រោយចង្វារ។
២. ឈ្មោះ គឹម រតនា ( ហៅ ស្នា ) មុខរបរ នៅផ្ទះ ស្នាក់នៅផ្ទះជួល ផ្លូវទន្លេសាប សង្កាត់ជ្រោយចង្វារ ខណ្ឌជ្រោយចង្វារ។
៣. ឈ្មោះ ខុម . ភាត្តារយុទ្ធ ភេទ ប្រុស មុខរបរ នៅផ្ទះ ស្នាក់នៅផ្ទះលេខ ផ្លូវ ពេទ្យសត្វ សង្កាត់ជ្រោយចង្វារ ខណ្ឌជ្រោយចង្វារ។
បច្ចុប្បន្នក្មេងទំនើងខាង កំពុងឃាត់ខ្លួនជាបណ្ដោះអាសន្ន ដើម្បីអនុវត្តតាមនីតិវិធី៕
ដោយ៖តារា
