ខេត្តសៀមរាប ៖ សន្និសីទសារព័ត៌មាន ស្ដីពីការប្រឡងសរសេរតាមអានថ្នាក់ជាតិ «សំណេរអង្គរ» លើកទី២ នឹងធ្វើឡើងនៅថ្ងៃទី១៩ ខែមករាឆ្នាំ២០២៥នាមុខប្រាសាទអង្គរវត្ត ។

សូមបញ្ជាក់ថា ៖ ថ្លែងនៅក្នុងសន្និសីទសារព័ត៌មាននាមុខប្រាសាទអង្គរវត្តថ្ងៃទី០៥ខែមករាឆ្នាំ២០២៥ លោក ឡុង កុសល អគ្គនាយករងអាជ្ញាធរជាតិអប្សរា បានលើកឡើងពីគុណតម្លៃនៃរមណីយដ្ឋានអង្គរ ផ្សាភ្ជាប់ជាមួយការប្រកួតសំណេរអង្គរ និងការលើកកម្ពស់អក្សរសាស្រ្តខ្មែរ។ លោក លឹម ប៊ុនហុក គណៈកម្មការរៀបចំសំណេរអង្គរ លើកទី២ នេះមានបេក្ខជនជាង១២០០នាក់បានចុះឈ្មោះចូលប្រកួតក្នុងនោះ បេក្ខជនវ័យចាស់ជាងគេអាយុ៨១ឆ្នាំនិងបេក្ខជនក្មេងជាងគេអាយុ៦ឆ្នាំ និងមានជនបរទេសចូលរួមប្រកួតហើយ បេក្ខជនភាគច្រើនជាអ្នកខេត្តសៀមរាបនិងមកពីបណ្តារាជធានីភ្នំពេញ ខេត្តផ្សេងៗផងដែរ។

សូមបញ្ជាក់ថា សំណេរអង្គរលើកទី២ នឹងធ្វើឡើងនៅថ្ងៃទី១៩ ខែមករា ឆ្នាំ២០២៥ វេលាម៉ោង៧ព្រឹកនៅលើស្ពានហាលខាងលិចប្រាសាទអង្គរវត្ត ៕

ដោយ ៖ សិលា