ភ្នំពេញៈរថយន្តkia morning បេីកបត់ឆ្លងផ្លូវក៏ត្រូវរថយន្តតូយ៉ូតាព្រុស មួយគ្រឿង បេីកជ្រុលទៅបុុក បណ្តាលឲ្យរថយន្តkia morning ជ្រុលទៅបុុកនិងម៉ូតូ មួយគ្រឿងទៀតដែលជិះបញ្ច្រាសទិសគ្នាបណ្តាលឲ្យរងការខូចខាត រថយន្តបង្ករបេីករត់គេចបាត់ ។
ហេតុការណ៍នេះបានកេីតឡេីងនៅវេលាម៉ោង១០យប់ថ្ងៃទី៩ខែមករាឆ្នាំ២០២៥ ទល់មុខផ្សារទំនើបសុវណ្ណា ផ្លូវ២៧១សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់រួមដំណើរជានិងនារីម្នាក់ បានបេីករថយន្តម៉ាក kia morning ពណ៌សទឹកមាស ពាក់ស្លាកលេខ ភ្នំពេញ 2BG 0752 បេីកធ្វេីដំណើរតាមបណ្តោយផ្លូវ២៧១ទិសដៅពី ជើងទៅត្បូងលុះមកដល់ចំនុចកេីតហេតុ ក៍បានបត់ឆ្វេងឆ្លងផ្លូវគោលបំណងចូលទៅច្រកផ្សារសុវណ្ណា ហេីយគាប់ជួនពេលនោះ ក៏ស្រាប់តែរថយន្ត តូយ៉ូតាព្រុស មួយគ្រឿងមិនចាំស្លាកលេខ បានបេីកធ្វើដំណើរស្របទិសគ្នា បានជ្រុលទៅនិងរថយន្ត kia morning ពីក្រោយបណ្ដាលពេលរថយន្តជ្រុលទៅបុុកនិងម៉ូតូម៉ាក XCENTER ពណ៌សលាយខ្មៅ ពាក់ស្លាកលេខ ភ្នំពេញ 1IA 8034 ដែរជិះដោយបុរសម្នាក់ជិះធ្វើដំណើរតាមបណ្ដោយផ្លូវ២៧១ទិសដៅពីត្បូងទៅជេីង បញ្ច្រាសទិសគ្នា បណ្តាលឲ្យម៉ូតូដួលអូសខ្ទាតប្រហែល៥ម៉ែត្ររងការខូចខាតនិងធ្វើអោយមនុស្សរបួសតិចតួច ។
ចំនែករថយន្តkia morning វិញរងការខូចខាតផែ្នកខាងមុខនិងផ្នែកខាងក្រោយ តែមិនគ្រោះថ្នាក់ដល់មនុស្សដែលជិះក្នុងរថយន្ត ។
ដោយឡែករថយន្ត តូយ៉ូតាព្រុសវិញនៅពេលបង្កគ្រោះហើយ ក៏បន្ថែមល្បឿនបេីករត់គេចបាត់ស្រមោលតែម្តង ។
ក្រោយពេលកេីតហេតុ នៅសល់តែរថយន្តនិងម៉ូតូ ដែលសុទ្ធសឹងអ្នករងគ្រោះដូចគ្នា ក៏សម្រេចបញ្ចប់រឿងដោយសុខចិត្តយកមធ្យោបាយទៅជួសជុលរៀងៗខ្លួន ៕ដោយ៖សុខាសែនជ័យ
