ខេត្តកណ្តាល ៖ បង្កាត់ភ្លើងដាំស្លភ្លេចខ្លួនមិនបានពន្លត់បង្កជាអគ្គិភ័យឆាបឆេះផ្ទះប្រជាពលរដ្ឋចំនួន៤ខ្នងយ៉ាងសន្ធោសន្ធៅ ភ្លាមនោះប្រជាពលរដ្ឋបាននាំគ្នាជួយពន្លត់នឹងបានទំនាក់ទំនងទៅសមត្ថកិច្ចហៅរថយន្តពន្លត់អគ្គិភ័យចេញ

អន្តរាគមន៍បាញ់ពន្លត់។

ហេតុការណ៍គ្រោះអគ្គិភ័យនេះបានកើតឡើងកាលពីម៉ោង៤រសៀល ថ្ងៃទី១២ ខែមករា ឆ្នាំ២០២៥ ស្ថិតនៅភូមិឃ្លាំងលិច ឃុំលើកដែក ស្រុកកោះធំ ខេត្តកណ្តាល ។
តាមសមត្ថកិច្ចបានឱ្យដឹងថា ជនរងគ្រោះ ម្ចាស់ផ្ទះទី១ ឈ្មោះ ជា ជី ភេទប្រុស អាយុ៧៧ឆ្នាំ
ទី២ ឈ្មោះ ហ៊ន ឈឿន ភេទប្រុស អាយុ៤៥ឆ្នាំ
ទី៣ ឈ្មោះ សឿន ខុម ភេទស្រី អាយុ៤៦ឆ្នាំ
ទី៤ ឈ្មោះ ឯក សាយ ភេទស្រី អាយុ៧១ឆ្នាំ ។
សមត្ថកិច្ចបានឲ្យដឹងទៀតថា ផ្ទះដែលទទួលរងអគ្គិភ័យឆាបឆេះនេះ ជាប្រភេទផ្ទះឈើ ប្រក់ស័ង្កសី រងខូចខាតទាំងស្រុង អស់ទាំងទ្រព្យសម្បត្តិ ចំពោះមូលហេតុដោយសារ បង្កាត់ភ្លើងដាំស្ល មិនបានពន្លត់ភ្លើង ទើបធ្វើឱ្យឆេះរាល ។
ក្នុងប្រតិបត្តិការនេះ កម្លាំងសមត្ថកិច្ចយើងបានប្រើប្រាស់ រថយន្តពម្លត់អគ្គិភ័យជាច្រើនគ្រឿងចេញទៅអន្តរាគមន៍ បាញ់ទឹកពន្លត់ភ្លើងដើម្បីការពារឆេះរាលដល់ផ្ទះប្រជាពលរដ្ឋផ្សេងទៀត ៕

ដោយ៖ ជ្រោយពេជ្រ