ខេត្តសៀមរាប ៖ មើលតាមរយះវីដេអូ ពិតជាអាក្រក់ភ្នែកណាស់ សូម្បីតែបរទេសក៏ត្រូវឈប់ម៉ូតូ ថ្មើរជើងក៏ឈប់ ដោយសារតែ យាយជះលាមក នឹងទឹកនោម ដាក់ ឱ្យតែធ្វើដំណើរតាមផ្លូវកាត់មុខផ្ទះគាត់ ។ បរទេសខំទៅឃាត់ ហាមមិនឱ្យប្រព្រឹត្តបែបហ្នឹង គាត់យកដំបងមកគំរាមបរទេសទៀត។
ចុងក្រោយ ! នៅព្រឹកថ្ងៃទី២៣ ខែមករាឆ្នាំ២០២៥ វេលាម៉ោង៩:៣០ស្ថិត នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាបខេត្តសៀមរាប សមត្ថកិច្ចក៏ឃាត់ខ្លួនគាត់យកមកសាកសួរតាមនីតិវិធី។
ក្នុងករណីនេះ លោកឧត្តមសេនីយ៍ទោ ហួត សុធីស្នងការនៃស្នងការដ្ឋាននគរបាលខេត្តសៀមរាបបានបញ្ជាឲ្យ កម្លាំងនគរបាលក្រុងសៀមរាប កម្លាំងប៉ុស្ដិនគរបាលរដ្ឋបាលស្វាយដង្គំបានចុះទៅឃាត់ខ្លួនយាយ(ដែលមានរហ័នាមថាយាយជះលាមក នឹងទឹកនោម)ក្រោយបណ្ដឹងប្រជាពលរដ្ឋតាមតេឡេក្រាមតាមបណ្ដាញសង្គមហ្វេសប៊ុកព្រមទាំងការស្នើសុំរបស់ប្រជាពលរដ្ឋឱ្យមានវិធានការទៅលើគាត់។
សូមបញ្ជាក់ផងដែរថា ៖ យាយជះលាមក នឹងទឹកនោម នៅជិតសាលាស្ទឹងថ្មីមានឈ្មោះថា(តាន់ គឹមប៉ូ)ភេទស្រី អាយុជាង៥០ ឆ្នាំរស់នៅក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាបខេត្តសៀមរាប។
ប្រជាពលរដ្ឋឆ្ងល់ថា ៖ ហេតុអីក៏យប់ថ្ងៃទី២២ ខែមករា ឆ្នាំ២៩២៥ យាយ (តាន់ គឹមប៉ូ) បានជះលាមក នឹងទឹកនោមដាក់ដាក់ធ្វើដំណើរ បង្កការភ្ញាក់ផ្អើលដល់ប្រជាជាពលរដ្ឋ អ្នកទេសចរ បរទេស មើលទៅបាត់បង់សណ្តាប់ធ្នាប់ សីលធម៌អស់ ឬមួយគាត់មានសតិបែបណាមួយ ? រងចាំសមត្ថកិច្ចចេញសេចក្តីប្រកាសព័ត៌មានបំភ្លឺ ៕
ដោយ ៖ សិលា
