ខេត្តកំពង់ចាម៖ លោក គីម រិទ្ធី អភិបាល នៃគណៈអភិបាលខេត្តព្រះវិហារ ដោយក្តីគោរព និងសេចក្តីជ្រះថ្លា! ខ្ញុំករុណា ពិតជាជឿជាក់លើទឹកចិត្តដ៏បរិសុទ្ធរបស់ព្រះចៅអធិការ ព្រះសង្ឃគ្រប់ព្រះអង្គ គណៈកម្មការ និងពុទ្ធបរិស័ទចំណុះជើងវត្ត វត្តដីដុះ និងសូមកោតសរសើរចំពោះការខិតខំជាវឈើយកមកកសាងវត្តអារាម ដែលជាទីសក្ការៈដ៏សំខាន់របស់ពុទ្ធបរិស័ទខ្មែរយើង។
លោកអភិបាលខេត្តរូបនេះ បានបន្តថា ក្នុងនាមជាពុទ្ធសាសនិក ខ្ញុំករុណា និងលោក អ៊ុន ចាន់ដា អភិបាលខេត្តកំពង់ចាម សូមចូលរួមបច្ច័យម្នាក់ចំនួន ១០លានរៀល (សរុប ២០លានរៀល) ដើម្បីជាចំណែកក្នុងការកសាងវត្តដីដុះ នៅក្រុងកំពង់ចាម ខេត្តកំពង់ចាម។
បន្ថែមពីនេះ លោកអភិបាលខេត្ត សូមអំពាវនាវដល់បងប្អូន ពុទ្ធបរិស័ទទាំងអស់ សូមចូលរួមចំណែកក្នុងការលើកស្ទួយព្រះពុទ្ធសាសនារបស់យើង ជាជាងការឈរមើល និងរិះគន់។ ការចូលរួមនេះ មិនត្រឹមតែជាការជួយដល់វត្តអារាមប៉ុណ្ណោះទេ តែជាការសាងកុសលផលបុណ្យសម្រាប់ខ្លួនឯងផងដែរ។
បងប្អូនអាចចូលរួមធ្វើបុណ្យកសាងវត្ដដីដុះ តាមរយៈ ព្រះសិរីរក្ខិតមុនី ញ៉ សាវី ព្រះចៅអធិការវត្តបុទមរតនដីដុះ ដែលមានលេខទូរស័ព្ទ +85512236937 និងគណនី QR Code ខាងក្រោមនេះ។
សូមអនុមោទនា 🙏🙏🙏
