ភ្នំពេញ៖ រថយន្តTOYOTA Vitz បេីកបុកឡំប្រឺតាបណ្តាលឱ្យក្រឡាប់រងការខូចខាតបង្កឱ្យមានការភ្ញាក់ផ្អើលកាលពីវេលាម៉ោង១១យប់ថ្ងៃទី១៣ខែកុម្ភៈឆ្នាំ២០២៥នៅតាមបណ្តោយផ្លូវ១៥៥កែងផ្លូវ៤៨០ដែលស្ថិតនៅសង្កាត់ផ្សារដើមថ្កូវ ខណ្ឌចំការមនរាជធានីភ្នំពេញ។
តាមប្រភពព័ត៌មានពីកន្លែងកេីតហេតុបាននិយាយប្រាប់ថានៅមុនពេលកេីតហេតុគេឃើញម៉ូតូកង់បីពណ៌ខ្មៅពាក់ស្លាកលេខភ្នំពេញ1II-5788បេីកតាមបណ្ដោយផ្លូវ៤៨០ក្នុងទិសដៅពីកេីតទៅលិចក្នុងល្បឿនមធ្យម។ លុះបេីកមកដល់ចំណុចកេីតហេតុនៅផ្លូវបំបែកជាបួនក៏ស្រាប់តែឃើញរថយន្តម៉ាកTOYOTA Vitz ពណ៌ទឹកប្រាក់ពាក់ស្លាកលេខភ្នំពេញ2BO-5026 បេីកបរដោយបុរសជនជាតិបរទេសតាមបណ្ដោយផ្លូវលេខ១៥៥ក្នុងទិសដៅពីជេីងទៅត្បូងក្នុងល្បឿនយ៉ាងលឿនហេីយជាន់ហ្រ្វ័ងមិនជាប់ក៏ជ្រុលទៅបុកឡំប្រឺតាពេញទំហឹងបណ្តាលឲ្យក្រឡាប់រងការខូចខាត ។ ប្រភពព័ត៌មានពីកន្លែងកេីតហេតុបានបន្តទៀតថាពេលគ្រោះថ្នាក់ភ្លាមៗដោយដោយមានកម្លាំងសមត្ថកិច្ចនគរបាលប៉ុស្តិ៍បានមកដល់ចំណុចកេីតហេតុហេីយបានអោយភាគីទាំងសងខាងសម្របសម្រួលគ្នា ។
ក្រោយពេលកេីតហេតុភាគីខាងរថយន្តម៉ាកTOYOTAVitzបេីកបរដោយបុរសជនជាតិបរទេសបានសម្របសម្រួលសងថ្លៃការខូចខាតខាងម៉ូតូកងបីចំនួន២៥០ដុល្លារបញ្ចប់នៅកន្លែងកើតហេតុ ៕
ដោយ៖ ជ្រោយពេជ្រ
