ភ្នំពេញៈ ស្ត្រីវ័យចំណាស់ម្នាក់ដេីរឆ្លងផផ្លូវត្រូវម៉ូតូសណ្តោងរ៉ឺម៉កបើកលឿនជ្រុលទៅបុកបណ្តាលឲ្យដួលបែកក្បាល។
ហេតុការណ៍នេះបានកេីតឡេីងកាលម៉ោង៧យប់ថ្ងៃទី៥ខែមីនា ឆ្នាំ២០២៥ នៅជិតច្រកចូលវត្តដំបូងខ្ពស់ ផ្លូវលេខ៣៧១ សង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកេីតហេតុគេឃើញស្ត្រីម្នាក់ដេីរតាមបណ្ដោយផ្លូវលេខ៣៧១ ខណៈមកដល់ចំនុចកេីតហេតុ គាត់បានសួរនាំពលរដ្ឋនៅម្តុំនោះ ដើម្បីរកវត្តសុំលោកស្នាក់នៅបណ្តោះអាសន្នពេលនោះស្ត្រីរងគ្រោះ បានដេីរឆ្លងកាត់ទទឹងផ្លូវ ដេីម្បីចូលទៅច្រកវត្តដំបូងខ្ពស់ បានបន្តិចស្រាប់តែមានម៉ូតូសណ្តោងរ៉ឺម៉ក បើកតាមបណ្ដោយផ្លូវលេខ៣៧១ ក្នុងល្បឿនលឿនបានជ្រុលទៅបុុកស្ត្រីខាងលើបណ្តាលឲ្យដួលបោកក្បាលហូរឈាមពេញខ្លួន ។ ភ្លាមៗនោះម៉ូតូសណ្តោងរ៉ឺម៉កបានបេីកល្បឿនជិះរត់គេចបាត់។
បន្ទាប់ពីកេីតហេតុស្ត្រីរងគ្រោះត្រូវបានសមត្ថកិច្ចហៅរថយន្តសាមុយដឹកយកទៅសង្គ្រោះនៅមន្ទីរពេទ្យផងដែរ ៕
ដោយ៖ ជ្រោយពេជ្រ
