🔥ឆ្លងចរន្តអគ្គិសនីឆេះកាប៊ីនភ្លេីងយ៉ាងសន្ធោសន្ធៅផ្អើលសមត្ថកិច្ចចេញរថយន្តពន្លត់អន្តរាគមន៍បាញ់ពន្លត់

ចែករំលែក៖

ភ្នំពេញៈ អគ្គិភ័យមួយបានឆាបឆេះការប៉ិនភ្លេីងមួយកន្លែងយ៉ាងសន្ធោសន្ធៅបង្កការភ្ញាក់ផ្អេីលដល់បងប្អូនប្រជាពលរដ្ឋនិងសមត្ថកិច្ចចុះមកអន្តរាគមន៍ភ្លាមៗ ។
ហេតុការណ៍នេះបានកេីតឡេីងនៅវេលាម៉ោង ២និង៣០នាទីយប់ឈានចូលថ្ងៃទី១៨ ខែមីនា ឆ្នាំ២០២៥ទល់មុខក្រុមហ៊ុន វីអី(ខេមបូឌា)ដែលស្ថិតនៅតាមបណ្ដោយផ្លូវ៣៦០កែងផ្លូវ៦៣ សង្កាត់បឹងកេងកងទី១ រាជធានីភ្នំពេញ ។
តាមប្រភពព័ត៌មានពីពលរដ្ឋ បានឲ្យដឹងថា មុនពេលកេីតហេតុ បង្គោលភ្លើងខាងលើ គឺបានឆ្លងចរន្តអគ្គិសនីម្តងហើយតែត្រូវពួកគាត់ជាពលរដ្ឋនិងសន្តិសុខយកបំពង់ពន្លត់អគ្គិភ័យមកបាញ់អោយរលត់ម្តងរួចទៅហើយ ។
ប្រភពដដែលបានបន្តទៀតថា លុះដល់ម៉ោងកេីតហេតុជាលេីកទី២ ពួកគាត់កំពុងតែសំរានលង់លក់ក្នុងដំណេកដូចធម្មតា ក៏ស្រាប់តែលឺសំឡេងផ្ទុះ ហេីយពួកគាត់ចេញមកមេីល ឃេីញបង្គោលភ្លើងមានប្រអប់ភ្លើងលាយឡំជាមួយនិងខ្សែអុបទិក ឆាប់ឆេះសន្ធោសន្ធៅ ទេីបពួកគាត់នាំគ្នាយកបំពង់ពន្លត់អគ្គិភ័យមកបាញ់អស់ជាច្រើនបំពង់តែមិនអាចទប់ស្កាត់បានទេីបរាយការណ៍ជូនកម្លាំងសមត្ថកិច្ចមូលដ្ឋានដេីម្បីសុំជំនួយរថយន្ដបង្ការពន្លត់អគ្គិភ័យអោយមកជួយអន្តរាគមន៍បាញ់ពន្លត់ផងដែរ ។

ហេតុការណ៍នេះបន្តិចក្រោយមករថយន្តបង្ការនិងពន្លត់អគ្គីភ័យរបស់ការិយាល័យនៃស្នងការដ្ឋានរាជធានីភ្នំពេញ បានចេញអន្តរាគមន៍ចំនួន២គ្រឿង ដោយសហការជាខាងមន្ត្រីអគ្គិសនីកម្ពុជា ធ្វើការផ្តាច់ចរន្តភ្លើងហេីយបានបាញ់ទឹកពន្លត់អស់ទឹក១រថយន្ដទេីបធ្វើអោយភ្លើងរលត់ទៅវិញនៅវេលាម៉ោង៣និង៣០នាទីយប់ថ្ងៃដដែលផងដែរ ។
សមត្ថកិច្ចបានអោយអោយដឹងថា ហេតុការណ៍នេះមិនបង្ករអោយគ្រោះថ្នាក់ដល់មនុស្សណាម្នាក់ហើយរាល់ដាលដល់ផ្ទះសំបែងរបស់បងប្អូនប្រជាពលរដ្ឋណានោះទេ គឺគ្រាន់តែខូចប្រអប់ភ្លើង ខ្សែភ្លើងក៍ដូចជាខ្សែអុបទិកអស់មួយចំនួនធំតែប៉ុណ្ណោះ ៕

...

ដោយ៖សុខាសែនជ័យ