ខេត្តស្វាយរៀង​៖ ផ្អើលអ្នកធ្វើដំណើរនិងប្រជាពលរដ្ឋទាំងព្រឹក ខណ:មាន រថយន្តម៉ាក atoz មួយគ្រឿង ត្រូវបានភ្លើងឆាបឆេះយ៉ាង​សន្ធោសន្ធៅ​ ដោយសង្ស័យ​ថាឆ្លងចរន្តភ្លើងតាមដងផ្លូវជាតិលេខ ៣១៤D ដោយសមត្ថកិច្ច បានយករថយន្តពន្លត់អគ្គិភ័យមកជួយបាញ់ទឹកពន្លត់ ប៉ុន្ដែរគួអោយស្ដាយ រថយន្តនេះ ត្រូវបានភ្លើងឆេះសល់តែគ្រោងឆ្អឹងបាត់ទៅហើយ។​

ហេតុការណ៍ខាងលើនេះបានកើតឡើងកាលពីវេលាម៉ោង៩:៣៥នាទី ព្រឹកថ្ងៃទី២០ ខែមីនា ឆ្នាំ២០២៥ នៅលើផ្លូវជាតិលេខ៣១៤D ស្ថិតក្នុងភូមិ ត្រពាំង​រុន  ឃុំ ព្រះពន្លា  ស្រុក កំពង់រោទិ៍ ខេត្ត​ស្វាយរៀង​។​

បើតាមសាក្សី បានឃើញហេតុការណ៍នេះ បានឱ្យដឹងថា នៅមុនពេលកើតហេតុគេឃើញមានរថយន្តមួយគ្រៀងម៉ាក​ atoz ពណ៌ លឿង ពាក់ស្លាកលេខ ភ្នំពេញ 2N-4813 ធ្វើដំណើរ​ពីទិសខាងជើងទៅទិសខាងត្បូង។​

ប្រភព បានបន្តទៀតថាលុះមកដល់ចំណុចកើតហេតុខាងស្រាប់តែឃើញមានមនុស្សចុះចេញពីរថយន្តដោយរថយន្តមានហ៊ុយផ្សែងចេញអណ្តាតភ្លើងហើយត្រូវបានប្រជាពលរដ្ឋក្នុងភូមិចេញមកជួយនិងរាយការណ៍មកសមត្ថកិច្ចដើម្បីសុំរថយន្តពន្លតអគ្គិភ័យមកជួយបាញ់ទឹកពន្លត់តែដោយភ្លើងឆាបឆេលឿនពេកបណ្តាលឱ្យរថយន្តឆេះអស់សល់តែគ្រោងឆ្អឹង។​

ចំណែក​ម្ចាស់រថយន្តមិនត្រូវបានស្គាល់​អត្តសញ្ញាណ ​ខណៈបានត្រឹម​តែឈរមើលរថយន្តដែលត្រូវភ្លើងឆាបឆេះយ៉ាងខ្លាំង និងក្រោយពីសមត្ថកិច្ច និងពលរដ្ឋបាននាំគ្នាជួយលើករថយន្តចេញពីកន្លែងកើតហេតុដើម្បីកុំឱ្យមានការកកស្ទះចរាចរណ៍ដោយករណីនេះមិនបណ្ដាលអោយមនុស្សរងគ្រោះថ្នាក់នោះទេ៕