ភ្នំពេញ៖ ស្រ្ដីម្នាក់សង្ស័យមានវិបត្តិផ្លូវចិត្តធ្ងន់ធ្ងរចង់ស្លាប់ បែកគំនិតគិតខ្លីដុតផ្ទះបណ្ដាលអោយឆាប់ឆេះផ្អើលប្រជាពលរដ្ឋនាំគ្នាជួយពន្លត់ទាន់ ។ ហេតុការណ៍ខាងលើនេះកើតឡើងកាលពីវេលាម៉ោង ៧និង០០នាទីយប់នៅថ្ងៃទី២២ ខែមិនា ឆ្នាំ២០២៥ ស្ថិតតាមបណ្ដោយផ្លូវលំ សង្កាត់ទួលសង្កែទី០១ ខណ្ឌប្ញស្សីកែវ រាជធានីភ្នំពេញ ។
តាមប្រភពព័ត៌មានពីពលរដ្ឋនៅកន្លែងកើតហេតុបានប្រាប់ថា ស្រ្ដីរងគ្រោះខាងលើឪពុកម្ដាយ បានស្លាប់ចោលជាយូរឆ្នាំមកហើយ រាល់ថ្ងៃរស់នៅតែម្នាក់ឯងក្នុងផ្ទះរបស់ខ្លួន។
និងមានវិបត្តិផ្លូវចិត្តតាំងពីឪពុកម្ដាយស្លាប់ចោលមក ។
រហូតដល់ថ្ងៃកើតហេតុខាងលើ ស្រាប់តែឃើញមានផ្សែងចេញពីខាងក្នុងផ្ទះយ៉ាងខ្មួលខ្មាញ់លាយឡំនិងអណ្ដាតភ្លើង បង្កការភ្ញាក់ដល់ពលរដ្ឋនាំគ្នាយកបំពង់ពន្លត់អគ្គីភ័យមកជួយបាញ់ រួចក៏បានរលត់ទៅវិញផងដែរ។ អគ្គិភ័យខាងលើនេះបានខូចខាតសម្ភារះមួយចំនួនតូចក្នុងផ្ទះជាន់ផ្ទាល់ដី ។
ក្នុងហេតុការណ៍នេះផងដែលក៏មានសមត្ថកិច្ចមូលបានចុះដល់ចំណុចកើតហេតុខាងលើ បានធ្វើការណែនាំទៅស្រ្ដីខាងលើកុំអោយធ្វើរឿងបែបនេះទៀត ៕
ដោយ ៖ ភារ៉ា ដង្កោ
