ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា សូមអរគុណដល់បណ្ដាក្រសួង-ស្ថាប័នពាក់ព័ន្ធទាំងអស់ ដែលបានខិតខំយកចិត្តទុកដាក់ក្នុងការដោះស្រាយបញ្ហាប្រឈមនានារបស់វិស័យឯកជន ក៏ដូចជាការធ្វើកំណែទម្រង់ជាច្រើន ក្នុងគោលដៅបង្កើនប្រសិទ្ធភាពការងារ និងលើកកម្ពស់ទំនុកចិត្តពីវិស័យឯកជន រួមទាំងវិនិយោគិនពីបរទេស។

សម្តេចបានលើកឡើងថា ៖ ទោះបីជានៅមានកិច្ចការដែលនៅសេសសល់ យើងនឹងបន្តរួមគ្នាដើម្បីដោះស្រាយបញ្ហាទាំងនោះជាជំហានៗតទៅទៀត។ ខាងក្រោមនេះជាលិខិតផ្លូវការរបស់ សភាពាណិជ្ជកម្មអឺរ៉ុបប្រចាំ កម្ពុជា (EuroCham Cambodia), គោរពជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
ភស្តុភារ និងការដឹកជញ្ជូននៃ
ការស្នើសុំអន្តរាគមន៍កម្រិតខ្ពស់របស់គណៈកម្មាធិការភស្តុភារ និងដឹកជញ្ជូន នៃសភាពាណិជ្ជកម្មអឺរ៉ុបប្រចាំ កម្ពុជា (EuroCham Cambodia), ខែកញ្ញា ឆ្នាំ២០២៤
សូមគោរព សម្តេចនាយករដ្ឋមន្ត្រី ដ៏ខ្ពង់ខ្ពស់!

ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅបំផុត ចំពោះចំណាត់ការដ៏ម៉ឹងម៉ាត់របស់ រាជរដ្ឋាភិបាលដែលបានដាក់ចេញ ដើម្បីឆ្លើយតបទៅនឹងការស្នើសុំអន្តរាគមន៍កាលពីខែកញ្ញា ឆ្នាំមុន ដូចដែលបានបញ្ជាក់ខាងលើ។
ក្នុងរយៈពេល ៦ ខែចុងក្រោយនេះ, ថ្នាក់ដឹកនាំនៃគណៈកម្មាធិការ និងស្ថាប័ន-អាជ្ញាធរពាក់ព័ន្ធ (ដូចមានរាយឈ្មោះក្នុងសេចក្តីចម្លងខាងក្រោម) បានអនុវត្តគំនិតផ្តួចផ្តើមជាច្រើន ដើម្បីដោះស្រាយ ស្ថានការណ៍ដ៏លំបាកនាពេលនោះ។ ក្រោមការណែនាំផ្ទាល់របស់ សម្តេចមហាបវរធិបតី និងចំណាត់ការដ៏ ឆាប់រហ័ស គួបផ្សំនឹងការគាំទ្រនិងជំនាញបច្ចេកទេសផ្សេងៗ បញ្ហាជាច្រើនដែលមាននៅក្នុងការស្នើសុំ នាពេលនោះ ត្រូវបានដោះស្រាយរួចរាល់។ ជាក់ស្តែង, កាលពីព្រឹកមិញនេះ, យើងខ្ញុំក៏បានចុះហត្ថលេខាលើ អនុស្សរណៈនៃការយោគយល់គ្នាមួយជាមូលដ្ឋានសម្រាប់កិច្ចសហការនេះ។ ជាលទ្ធផល, រយៈពេល និង នីតិវិធីរដ្ឋបាលត្រូវបានកាត់បន្ថយរហូតដល់ទៅជាង៥០%។ ដើម្បីកុំឱ្យរំខានដល់ពេលវេលារបស់ សម្តេចមហាបវរធិបតី ក្នុងការអានលិខិតនេះ យើងខ្ញុំសូមគោរពអនុញ្ញាតបង្ហាញជូននូវវឌ្ឍនភាពកន្លងមក ដោយសង្ខេបដូចខាងក្រោម ។
ប្រសិនបើគ្មានការជួយជ្រោមជ្រែងពី សម្តេចមហាបវរធិបតី នោះទេ, យើងខ្ញុំក៏មិនអាចសម្រេច បាននូវសមិទ្ធផលដ៏ធំធេងដូចសព្វថ្ងៃនេះដែរ។ ក្នុងន័យនេះ, យើងខ្ញុំសូមសម្តែងនូវការដឹងគុណចំពោះ ការប្តេជ្ញាចិត្ត, ការដឹកនាំ, និងការជឿទុកចិត្តដ៏ខ្ពង់ខ្ពស់របស់ សម្តេចមហាបវរធិបតី។

រយៈពេលប៉ុន្មានខែកន្លងមកនេះ បានបង្ហាញអំពីកិច្ចការដែលអាចសម្រេចរួមគ្នាបាន តាមរយៈ កិច្ចសហការផ្ទាល់ និងជិតស្និទ្ធរវាងវិស័យឯកជន និងរាជរដ្ឋាភិបាល ៕

ដោយ ៖ សិលា