កាលពីថ្ងៃទី 15 ខែមេសា ប្រធានាធិបតី Zelensky បាននិយាយអំពីសេចក្តីថ្លែងការណ៍របស់បេសកជនពិសេសអាមេរិក Steve Witkoff បន្ទាប់ពីលោកបាននិយាយថា គន្លឹះក្នុងការឈានទៅដល់កិច្ចព្រមព្រៀងសន្តិភាពនៅអ៊ុយក្រែនបានវិលជុំវិញតំបន់ទាំង៥ដែលរុស្ស៊ីបានដាក់បញ្ជូលនៅក្នុងការគ្រប់គ្រងរបស់ខ្លួន។

បេសកជនពិសេសរបស់សហរដ្ឋអាមេរិក លោក Steve Witkoff បាននិយាយកាលពីពេលថ្មីៗនេះថា ជំនួបនាពេលថ្មីៗនេះរបស់លោកជាមួយប្រធានាធិបតីរុស្ស៊ី លោក វ្ល៉ាឌីមៀរ ពូទីន គឺជាការផ្លាស់ប្តូរដ៏គួរឱ្យទាក់ទាញ និងផ្តោតលើលទ្ធភាពនៃការឈានដល់កិច្ចព្រមព្រៀងសន្តិភាពដោយផ្អែកលើស្ថានភាពនៃ “ដែនដីទាំងប្រាំ”។
លោក Witkoff – បានជួបជាមួយលោក Putin នៅ St. Petersburg កាលពីថ្ងៃទី 11 ខែមេសា – បានពណ៌នាកិច្ចប្រជុំនេះថា មានការរីកចម្រើន ហើយបាននិយាយថាប្រធានាធិបតីរុស្ស៊ីបានបង្ហាញពីបំណងប្រាថ្នារបស់គាត់សម្រាប់ “សន្តិភាពយូរអង្វែង” ទោះបីជា “វានឹងចំណាយពេលបន្តិចដើម្បីសម្រេចវា” ។
យោងតាមប្រព័ន្ធផ្សព្វផ្សាយអ៊ុយក្រែន ទោះបីជាលោក Witkoff មិនបានលើកឡើងឈ្មោះទឹកដីទាំងនេះដោយផ្ទាល់ក៏ដោយ ប៉ុន្តែគាត់ហាក់ដូចជាសំដៅទៅលើឧបទ្វីប Crimean (ឧបសម្ព័ន្ធដោយរុស្ស៊ីក្នុងឆ្នាំ 2014) និងតំបន់ Donetsk, Lugansk, Zaporizhzhia និង Kherson (រុស្ស៊ីបានប្រកាសការបញ្ចូលក្នុងឆ្នាំ 2022)។
ប្រធានាធិបតីអ៊ុយក្រែនលោក Volodymyr Zelensky បានឆ្លើយតបទៅនឹងគំនិតរបស់លោក Witkoff ក្នុងអំឡុងពេលសន្និសីទសារព័ត៌មានរួមគ្នាជាមួយអគ្គលេខាធិការអង្គការសន្ធិសញ្ញាអាត្លង់ទិកខាងជើង (NATO) លោក Mark Rutte នៅទីក្រុង Odessa កាលពីថ្ងៃទី 15 ខែមេសា ថា មិនមែនជាជនជាតិអ៊ុយក្រែន គឺមិនអាចនិយាយពីការកាត់ទឹកដីអោយទៅភាគីណាមួយឡើយ៕ ដោយធីរីណា

រូបថត​: Reuters