ភ្នំពេញ ៖ កំពង់ផែទេសចរណ៍អន្តរជាតិកំពត នឹងត្រូវសម្ពោធបើកឱ្យប្រើប្រាស់ជាផ្លូវការ ថ្ងៃទី២១ ខែមេសា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
កំពង់ផែទេសចរណ៍អន្តរជាតិកំពត ជាកំពង់ផែភាពជាដៃគូរវាងរដ្ឋ និងឯកជន ដែលផ្តួចផ្តើមដោយរដ្ឋជាដំបូងគេបង្អស់របស់កម្ពុជា នឹងប្រែក្លាយហេដ្ឋារចនាសម្ព័ន្ធតភ្ជាប់ទេសចរណ៍ ដែលជួយឱ្យជីវភាពប្រជាពលរដ្ឋក្នុងតំបន់កាន់តែល្អប្រសើរ និងជំរុញកំណើនសេដ្ឋកិច្ចនៅក្នុងមូលដ្ឋានភាគខាងត្បូងប្រទេសកម្ពុជា។
កំពង់ផែទេសចរណ៍កំពត ស្ថិតនៅក្នុងស្រុកទឹកឈូ មានប្រវែង ៣០០ម៉ែត្រ ដែលអាចផ្ទុកនាវាផ្ទុកអ្នកដំណើរពី ៣០០ទៅ ៤០០នាក់។ គម្រោង នេះ ចំណាយ ថវិកា ប្រមាណ ១០លាន ដុល្លារ បាន ផ្តល់ មូលនិធិ ដោយ កម្ចី ពី ធនាគារ អភិវឌ្ឍន៍ អាស៊ី។ ក្រោយ ការ បើក កំពង់ផែ ទេសចរណ៍ កំពត អាច ទទួល បាន ភ្ញៀវ ទេសចរ ប្រមាណ ១លាន នាក់ ក្នុង មួយ ឆ្នាំ៕
ដោយ ៖ សិលា
