Neat Burger ជាភោជនីយដ្ឋានលក់ប៊ើហ្គើរមានសាខាច្រើន សហការបង្កើតឡើងដោយម្ចាស់ជើងឯកពិភពលោក រថយន្តF1 ប្រាំពីរសម័យកាលលោក Sir Lewis Hamilton កំពុងបិទសាខាទាំងអស់របស់ខ្លួននៅក្នុងចក្រភពអង់គ្លេស បន្ទាប់ពីដំណើរការអស់រយៈពេល 6 ឆ្នាំ។

 

ការសម្រេចចិត្តនេះនឹងប៉ះពាល់ដល់បុគ្គលិកប្រហែល 150 នាក់ នេះបើយោងតាមសារព័ត៌មាន Daily Mail ។ Neat Burger បានបញ្ជាក់ពីការបិទនេះ ប៉ុន្តែមិនបានផ្តល់ការអត្ថាធិប្បាយបន្ថែមទេ។
ក្រុមហ៊ុន​បាន​លើក​ឡើង​ពី​បញ្ហាផ្នែក​ហិរញ្ញវត្ថុ​ជា​បន្តបន្ទាប់​ថា​ជា​ហេតុផល​នៅ​ពី​ក្រោយ​ការ​ផ្លាស់​ប្តូរ​នេះ។ នៅឆ្នាំ 2022 ពួកគេបានប្រកាសពីការខាតបង់ចំនួន 7.9 លានផោន (10.5 លានដុល្លារអាមេរិក) ដែលជាការកើនឡើងគួរឱ្យកត់សម្គាល់ពីការបាត់បង់ 4.7 លានផោនដែលបានរាយការណ៍កាលពីឆ្នាំមុន។ នាពេលបច្ចុប្បន្ននេះ ហាង Neat Burger នៅសល់តែពីរកន្លែងប៉ុណ្ណោះដែលនៅតែបើកដំណើរការ ដែលមានទីតាំងនៅទីក្រុង Milan ប្រទេសអ៊ីតាលី។ Neat Burger ពីមុនបានបិទទីតាំងជាច្រើននៅចក្រភពអង់គ្លេស ក៏ដូចជាហាងមួយនៅញូវយ៉កផងដែរ។

 

ខណៈពេលដែលអាជីវកម្មរបស់គាត់ប្រឈមនឹងការបរាជ័យ អាជីពប្រណាំងរថយន្តរបស់ Hamiltonក៏ធ្លាក់ចុះផងដែរនៅក្នុងរដូវកាលថ្មីៗនេះ។

បច្ចុប្បន្ន

Hamilton បានឈរចំណាត់ថ្នាក់លេខ 7 នៅ Saudi Arabian Grand Prix នៅថ្ងៃទី 20 ខែមេសា ហើយបច្ចុប្បន្នកំពុងកាន់តំណែងលេខ៧ដូចគ្នាក្នុងតារាងពិន្ទុសរុបសម្រាប់រដូវកាល F1 ឆ្នាំ 2025។