ភ្នំពេញ៖ យោងតាមទិន្នន័យ គ្រោះថ្នាក់ចរាចរណ៍ផ្លូវគោក ទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានបង្ហាញពីករណីគ្រោះថ្នាក់ចរាចរណ៍ទូទាំងប្រទេសនៅថ្ងៃទី២៧ ខែមេសា ម្សិលមិញនេះ បានកើតឡើងចំនួន៨លើក បណ្តាលឲ្យមនុស្សស្លាប់៤នាក់ និងរបួសធ្ងន់ស្រាល២០នាក់។ ដូច្នេះចូលរួមការពារអាយុជីវិតរបស់អ្នក និងអ្នកដទៃ សូមកុំបើកបរក្នុងស្ថានភាពស្រវឹង! គោរពច្បាប់ចរាចរណ៍ស្មើនឹងគោរពជីវិតខ្លួនឯង!
ចំពោះករណីគ្រោះថ្នាក់ចរាចរណ៍នេះ (គិតត្រឹមពីម៉ោង ១៤៖០០ ថ្ងៃទី២៦ ខែមេសា ឆ្នាំ២០២៥ ដល់ម៉ោង ១៤៖០០ ថ្ងៃទី២៧ ខែមេសា ឆ្នាំ២០២៥) បានកើតឡើងចំនួន៨លើក (យប់៤លើក) បណ្តាលឲ្យមនុស្សស្លាប់៤នាក់ (ស្រី១នាក់), រងរបួសសរុប២០នាក់ (ស្រី៩នាក់), រងរបួសធ្ងន់ ៦នាក់ (ស្រី២នាក់) រងរបួសស្រាល១៤នាក់ (ស្រី៧នាក់) និងមិនពាក់មួកសុវត្ថិភាព៣នាក់ (យប់១នាក់)។
របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន ៖ ល្មើសល្បឿន៣លើក (ស្លាប់១នាក់, របួសធ្ងន់ ៣នាក់, របួសស្រាល ១នាក់),និងមិនគោរពសិទ្ធិ ២លើក (ស្លាប់ ១នាក់, របួសធ្ងន់ ១នាក់, របួសស្រាល ១នាក់), មិនប្រកាន់ស្តាំ ១លើក (ស្លាប់២នាក់, របួសធ្ងន់ ០នាក់, របួសស្រាល០នាក់), ប្រជែង ១លើក (ស្លាប់ ០នាក់, របួសធ្ងន់ ០នាក់, របួសស្រាល ២នាក់), កត្តាយាន ១លើក (ស្លាប់ ០នាក់, របួសធ្ងន់ ២នាក់, របួសស្រាល១០នាក់)៕
ដោយ៖តារា
