អន្តរជាតិ ៖ នារសៀលថ្ងៃទី២ ខែឧសភា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ លោក Sayyid Badr bin Hamad Al Busaidi រដ្ឋមន្ត្រីការបរទេសអូម៉ង់បានបង្ហោះសារ តាម បណ្តាញ ទំនាក់ទំនង សង្គមកាលពី ថ្ងៃទី១ខែ ឧសភាថា ដោយសារ មូលហេតុ ភស្តុភារ ការចរចា ដោយ ប្រយោល ជុំទីបួនរវាង អាមេរិកនិង អ៊ីរ៉ង់ដែល ពីមុន កំណត់ បើកធ្វើ នៅថ្ងៃទី៣ ខែឧសភា ខាងមុខនេះ នឹង ពន្យារពេល ពេលវេលា ថ្មីនឹងត្រូវ ប្រកាស បន្ទាប់ពី ភាគីនានា បាន ពិគ្រោះ ពិភាក្សា ជាឯកច្ឆន្ទ ។

ថ្ងៃដដែល ក្រសួង ការបរទេស អ៊ីរ៉ង់បាន ចេញផ្សាយ សេចក្តីថ្លែងការណ៍ថា ការចរចា ដោយ ប្រយោល ជុំថ្មីរវាងអ៊ីរ៉ង់ និងអាមេរិក បាន ពន្យារពេល តាម សំណូមពរ របស់ រដ្ឋមន្ត្រី ការបរទេស អូម៉ង់ អ៊ីរ៉ង់នឹងខិតខំ ប្រឹងប្រែង ដើម្បី ឈានដល់ “កិច្ចព្រមព្រៀង ប្រកបដោយ សមភាព និង យូរអង្វែង ”ដដែល ។ ផ្នែកអាមេរិក ក៏បានថ្លែង នៅថ្ងៃដដែលថា តាមការប៉ាន់ ប្រមាណ នឹងធ្វើការចរចា ជាមួយអ៊ីរ៉ង់ ក្នុងពេល ដ៏ខ្លីខាងមុខនេះ ។
គេហទំព័រ «CCFR China state-controlled media » ចាប់ពីថ្ងៃ ទី១២ខែមេសា មក សហរដ្ឋអាមេរិក និងអ៊ីរ៉ង់បាន បើកធ្វើ ការចរចា ដោយ ប្រយោល បីជុំ ជាបន្តបន្ទាប់ ហើយ ។ មុនពេល បើកធ្វើ ការចរចា ដោយ ប្រយោល ជុំទីបួន តាម ពេលកំណត់ លោក Abbas Araghchi រដ្ឋមន្ត្រី ការបរទេស អ៊ីរ៉ង់ បានថ្លែងថា អ៊ីរ៉ង់នឹង រៀបចំ ធ្វើការចរចា ជាមួយ អង់គ្លេស បារាំង និងអាល្លឺម៉ង់ សិននៅថ្ងៃ ទី២ខែឧសភា ៕

ដោយ ៖ សិលា