ភ្នំពេញ៖ យុវជន២នាក់ត្រូវបាននគរបាលឃាត់ខ្លួន បន្ទាប់ពីឆែកឆេររកឃើញដែកកែឆ្នៃសម្រាប់ប្រព្រឹត្តបទល្មើសកាច់កម៉ូតូនៅជាប់ខ្លួន
កាលពីវេលាម៉ោង៩ និង៣០នាទីយប់ថ្ងៃទី២៥ ខែសីហា ឆ្នាំ២០១៦ នៅចំណុចមុខធនាគារសហពាណិជ្ជ តាមមហាវិថីសហពន្ធរុស្ស៊ី ស្ថិតក្នុងក្រុម៦ ភូមិចុងថ្នាល់ខាងលិច សង្កាត់ទឹកថ្លា ខណ្ឌសែនសុខ។
ជនសង្ស័យទាំង២នាក់ខាងមានឈ្មោះ ប៉ាន់ វណ្ណនី ភេទប្រុស អាយុ២៣ឆ្នាំ មុខរបរអ្នករត់តុ ស្នាក់នៅផ្ទះជួលសង្កាត់ចាក់អង្រែក្រោម ខណ្ឌមានជ័យ និងម្នាក់ទៀតឈ្មោះ ប៊ុន វណ្ណនី ភេទប្រុស អាយុ១៩ឆ្នាំ មុខរបរជាងតំឡើងអំពូលភ្លើង ស្នាក់នៅជាមួយគ្នា។
តាមប្រភពពីសមត្ថកិច្ចបានឲ្យដឹងថាមុនពេលកើតហេតុសមត្ថកិច្ចប៉ុស្ដិ៍ទឹកថ្លាសហការជាមួយកម្លាំងសមត្ថកិច្ចចម្រុះក្រុងបានធ្វើការល្បាតទប់ស្កាត់បទល្មើសក្នុងមូលដ្ឋានស្រាប់តែប្រទះឃើញជនសង្ស័យទាំង២នាក់ជិះម៉ូតូ១គ្រឿងមាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៦គ្មានស្លាកលេខគួអោយសង្ស័យក៍ឃាត់សួរនាំនិងឆែកឆេបានរកឃើញដែកកែច្នៃសម្រាប់កាច់កម៉ូតូ១ដើម ដែលជាឧបករណ៍ល្មើសនឹងច្បាប់ទើបសមត្ថកិច្ចធ្វើការឃាត់ខ្លួនតែម្តង។
បច្ចុប្បន្នជនសង្ស័យទាំង២នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បចាត់ការបន្តតាមនីតិវិធី៕
ដោយ៖ តុង សីហា
