កីឡាករ Jobe Bellingham បានទទួលជោគជ័យក្នុងការផ្ទេរទៅកាន់ក្រុម Borussia Dortmund ក្នុងតំលៃ 32 លានផោន ខណៈដែលក្លឹបយក្សរបស់អាឡឺម៉ង់នេះចំណាយប្រាក់ច្រើនសម្រាប់កីឡាករវ័យក្មេងរបស់ Sunderland ជាងអ្វីដែលពួកគេបានធ្វើសម្រាប់បងប្រុស Jude Bellingham ប៉ុន្តែកីឡាករចំណូលថ្មីទទូចថាគាត់មិនដើរតាមគន្លងរបស់បងប្រុសគាត់ទេ។

Bellingham បានឡើងមកលេងនៅក្របខ័ណ្ឌកំពូលអង់គ្លេសពីក្របខ័ណ្ឌ Championship ជាមួយក្លឹប Sunderland តាមរយៈវគ្គ play-off មុនពេលចុះកិច្ចសន្យាជាមួយអតីតក្រុមរបស់បងប្រុសគាត់។

ក្រុមជើងឯកអាល្លឺម៉ង់ Dortmund ប្រាំបីសម័យកាល ដែលបានបញ្ចប់ក្នុងចំណាត់ថ្នាក់លេខ 4 ក្នុងឆ្នាំ 2024-25 បានកៅអី Champions Leagueផងដែរ ។

Jobe ក្លាយជាកីឡាករថ្លៃបំផុតទីពីររបស់ Dortmund បន្ទាប់ពី Ousmane Dembele ក្នុងឆ្នាំ 2016 ហើយនេះការលក់កំណត់ត្រាថ្លៃបំផុតរបស់ Sunderland ។

Dortmund គឺជាក្លឹបដែល Jobe Bellingham ស្គាល់យ៉ាងច្បាស់បន្ទាប់ពីបងប្រុសគាត់ Jude ទទួលបានជោគជ័យនៅទីនោះ។ Jude មានអាយុត្រឹមតែ 17 ឆ្នាំប៉ុណ្ណោះនៅពេលដែលភាគីអាល្លឺម៉ង់បានចំណាយប្រាក់ដំបូងសម្រាប់ក្លឹប Birmingham City ក្នុងតម្លៃ 25 លានផោនដើម្បីចុះហត្ថលេខាលើគាត់ក្នុងខែកក្កដា ឆ្នាំ 2020 ។

Jude បានបង្ហាញខ្លួន 132 ដងក្នុងរយៈពេល 3 ឆ្នាំនៅឯកីឡដ្ឋាន Signal Iduna Park ដោយបានឈ្នះពាន DFB Pokal ក្នុងឆ្នាំ 2021។

Jude ត្រូវបានជ្រើសរើសជាកីឡាករឆ្នើមនៅ Bundesliga  ហើយបានចូលរួមជាមួយ Real Madrid ក្នុងតម្លៃដំបូង 88.5 លានផោន។ គាត់បានជួយ Real ឈ្នះ Champions League និង La Liga ក្នុងរដូវកាលដំបូងរបស់គាត់ និង Uefa Super Cup និង Fifa Intercontinental Cup ។

កីឡាករវ័យ 19 ឆ្នាំ Job បានចុះហត្ថលេខាលើកិច្ចសន្យារយៈពេល 5 ឆ្នាំ ហើយបានប្រកាសថា “ខ្ញុំសប្បាយចិត្តណាស់ដែលខ្ញុំនឹងពាក់អាវពណ៌ខ្មៅ និងពណ៌លឿងក្នុងព្រឹត្តិការណ៍ FIFA Club World Cup”។

ក្រុម Real Madrid និង Dortmund  ស្ថិតក្នុងក្រុមផ្សេងគ្នាសម្រាប់ដំណាក់កាលដំបូងនៃការប្រកួត Club World Cup ប៉ុន្តែបងប្អូនត្រកូល Bellingham ទាំងពីរអាចប្រឈមមុខគ្នានៅវគ្គ 1/4 ផ្តាច់ព្រ័ត្រ។