ភ្នំពេញ៖ សពស្រ្ដីម្នាក់ មានលក្ខណៈហើមស្អុយរលួយទៅហើយ ត្រូវបានប្រជាពលរដ្ឋប្រទះឃើញអណ្តែតទឹកទន្លេសាបទើជាប់និងកំប្លោក ខាងជើងស្ដានជ្រោយចង្វារប្រមាណ២០០ម៉ែត្រ ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១ រសៀលថ្ងៃទី១៤ ខែមិថុនា ឆ្នាំ២០២៥ ដែលស្ថិតតាមបណ្ដោយផ្លូមាត់ទន្លេ ក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
សពស្រ្ដីរូបនោះ ពុំស្គាល់អត្តសញ្ញាណឡើយមានអាយុប្រមាណជាង ២០ឆ្នាំ ពាក់អាវដៃខ្លីពណ៌ខ្មៅនិងខោជើងវែងពណ៌ស ។
តាមប្រភពព័ត៌មានពីកន្លែងកើតហេតុបានអោយដឹងថាមុនពេលកើតហេតុ ប្រជាពលរដ្ឋនៅទីនោះធំក្លិនស្អុយខុសពីធម្មតាក៏បាននាំគ្នារកមើល ក៏ស្រាប់តែប្រទះឃើញសពមួយបានអណ្ដែតទឹកន្លេទើជាប់និងកំប្លោកក្បែរច្រាំង នៅខាងក្រោយផ្ទះប្រជាពលរដ្ឋ ដោយមានលក្ខណៈហើមស្អុយរលួយមិនដឹងរសាត់តាមទឹកទន្លេមកពីណានោះទេ ភ្លាមនោះពលរដ្ឋនៅទីនោះក៏ធ្វើការទាក់ទងទៅសមត្ដកិច្ចប៉ុស្ដិ៍ជ្រោយចង្វារធ្វើការចុះពិនិត្យផងដែរ។
បច្ចុប្បន្នសមត្ថកិច្ចមូលដ្ឋានតាមធ្វើការទាក់ទងទៅសមត្ថកិច្ចជំនាញផ្នែកនៃកោលសល់វិច្ច័យរបស់ស្នងការដ្ឋាននគរបាលរាជធានីភ្នំពេញដើម្បីត្រួតពិនិត្យ តើសពស្រ្ដីខាងលើស្លាប់ដោយសារអ្វីអោយប្រាកដ ៕ដោយ ៖ ភារ៉ា ដង្កោ
