ភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានមានប្រសាសន៍ថា ៖ «ទោះគ្មាន ឬមានលិខិត យើង ត្រូវ ទទួល យក ពលរដ្ឋខ្មែរត្រឡប់មកវិញ កុំទុកឱ្យគេ ប្រមាថ កុំឱ្យគេធ្វើបាប» ។

សម្តេចតេជោ ហ៊ុន សែន បានបញ្ជាក់បន្ថែមបែបនេះក្នុងសារពិសេសនាកិច្ចប្រជុំពេញអង្គលើកទី៣ ព្រឹទ្ធសភា ថ្ងៃទី ១៦ ខែមិថុនា ឆ្នាំ២០២៥នេះ។ សម្តេចតេជោ ហ៊ុន សែន អះអាងថា ៖ ការថ្លែងរបស់សម្តេចមិនមែនជាការបំពាន កិច្ច ការរដ្ឋាភិបាលទេ តែសម្តេចថ្លែងក្នុងនាមប្រធាន បក្សកាន់អំណាច និងជាប្រធានព្រឹទ្ធសភា នៃព្រះរាជាណាចក្រកម្ពុជា ។ ក្នុងនោះ សម្ដេចតេជោ ឱ្យដឹងថា ៖ សម្ដេចកិត្តិព្រឹទ្ធបណ្ឌិត បានធូរស្បើយពីបញ្ហាសុខភាព និងបានចេញរាប់បាត្រ ចម្រើនព្រះជន្មថ្វាយព្រះវររាជមាតាជាតិខ្មែរ។ សម្ដេចថ្លែងដូច្នេះ ពីវិមានព្រឹទ្ធសភា នាព្រឹកថ្ងៃទី១៦ ខែមិថុនា៕

ដោយ ៖ សិលា