រូបភាពជាច្រើនដែលចែកចាយនៅលើប្រព័ន្ធផ្សព្វផ្សាយសង្គមបានអះអាងថា ជនជាតិអាមេរិករាប់ពាន់នាក់បានដើរដង្ហែរក្បួន និងតវ៉ានៅលើស្ពាន Golden Gate ក្នុងទីក្រុង San Francisco ។

ការដង្ហែរក្បួន និងការតវ៉ាបានធ្វើឡើងនៅទូទាំងសហរដ្ឋអាមេរិកក្រោមឈ្មោះថា “No Kings” ដើម្បីប្រឆាំងនឹងរដ្ឋបាលប្រធានាធិបតី Donald Trump ក៏ដូចជាគោលនយោបាយរបស់គាត់ក្នុងការនិរទេសជនអន្តោប្រវេសន៍។
ឧបទ្ទវហេតុនេះបានកើតឡើងនៅថ្ងៃទី 14 ខែមិថុនា ស្របពេលជាមួយនឹងក្បួនដង្ហែរប្រារព្ធខួបលើកទី 250 នៃការបង្កើតកងទ័ព ដែលជាថ្ងៃខួបកំណើតគម្រប់ 79 ឆ្នាំរបស់លោក Trump ផងដែរ។
បន្ទាប់ពីការតវ៉ាទាំងនេះ ការបង្ហោះនៅលើវេទិកា Threads ជាមួយនឹងរូបភាពនៃស្ពាន Golden Gate ដែលពោរពេញទៅដោយមនុស្សដូចខាងលើបានទាក់ទាញអ្នកចូលរួមជាង 20,000នាក់ ។ ដំណឹងនេះបានបន្តរីករាលដាលពេញបណ្តាញសង្គមហ្វេសប៊ុក និង X ។
អត្ថបទ The Threads បានសរសេរថា “ល្អណាស់ អ្នកទាំងអស់គ្នា! ហ្វូងអ្នកដើរដង្ហែរ “No Kings” ដ៏ច្រើនសន្ធឹកសន្ធាប់បានពេញស្ពានហ្គោលដិនហ្គេត រហូតដល់កន្លែងដែលក្លោងទ្វារមើលទៅហាក់ដូចជាត្រូវបានរុញភ្ជាប់។
អាជ្ញាធរត្រូវបិទស្ពាន ហើយមនុស្សរាប់ពាន់នាក់កំពុងឈរគៀកគ្នា ធ្វើឲ្យស្ពានដែកញ័រ។ វិស្វករនិយាយថា ស្ពាននេះមានសុវត្ថិភាព ប៉ុន្តែវាជាសក្ខីភាពនៃអំណាចរបស់ប្រជាជន»៕

រូបថត​: Getty Images