ខ្សែប្រយុទ្ធក្លឹប Aston Villa និងជម្រើសជាតិអង់គ្លេស កីឡាករ Ollie Watkins បានបន្តការប្រារព្ធពិធីជប់លៀងរដូវក្តៅដ៏ប្រណិតក្នុងប្រទេសបារាំង ប៉ុន្មានសប្តាហ៍បន្ទាប់ពីបានរៀបអាពាហ៍ពិពាហ៍ជាមួយភរិយារបស់គាត់ Ellie Alderson ។

គូស្នេហ៍ដែលបានភ្ជាប់ពាក្យកាលពីរដូវក្តៅមុន ពេលកំពុងវិស្សមកាលនៅប្រទេសអ៊ីតាលី បានបញ្ជាក់ពីអាពាហ៍ពិពាហ៍របស់ពួកគេជាមួយនឹងការបង្ហោះអបអរសាទរនៅលើប្រព័ន្ធផ្សព្វផ្សាយសង្គមកាលពីខែឧសភា ដោយចែករំលែករូបថតអាពាហ៍ពិពាហ៍សខ្មៅជាបន្តបន្ទាប់។

កីឡាករ Ollie ដែលបានរាបការមុនចប់រដូវកាលរបស់ Premier League និងការប្រកួតអន្តរជាតិរបស់អង់គ្លេសទល់នឹងប្រទេសអង់ដូរ៉ា និង សេណេហ្គាល់ ហើយទីបំផុតទើបតែអាចអបអរអាពាហ៍ពិពាហ៍ជាមួយនឹងពិធីជប់លៀងដ៏រីករាយជាមួយមិត្តភក្តិ និងក្រុមគ្រួសារកាលពីចុងសប្តាហ៍មុន។

ការប្រារព្ធពិធីនេះបានធ្វើឡើងនៅទីកន្លែងដ៏ស្រស់ស្អាតនៃសតវត្សទី 20 របស់ប្រទេសបារាំង – Villa Ephrussi de Rothschild ដែលស្ថិតនៅចន្លោះទីក្រុង Nice និង Monaco ហើយត្រូវបានចូលរួមអបអរសាទរដោយមិត្តរួមក្រុម Aston Villa របស់ Ollie ជាច្រើននាក់កាលពីចុងសប្តាហ៍ រួមទាំងកីឡាករ Morgan Rogers, John McGinn និង Jacob Ramsey ។

ប្អូនស្រីភ្លោះរបស់កូនក្រមុំ Sofia Alderson បានចែករំលែករូបថតជាច្រើននៃព្រឹត្តិការណ៍នេះនៅលើ Instagram ហើយបានសរសេរថា “ចុងសប្តាហ៍ដ៏ល្អឥតខ្ចោះបំផុតពីដើមដល់ចប់ សូមអបអរសាទរចំពោះលោក និងលោកស្រី Watkins ។ ស្រឡាញ់អ្នកទាំងពីរខ្លាំងណាស់។’