មន្ត្រីជាន់ខ្ពស់អាមេរិក និងអុីស្រាអែល ពិភាក្សាពីយុទ្ធសាស្ត្រវាយប្រហារអុីរ៉ង់

ចែករំលែក៖

ប្រធានាធិបតីអាមេរិក លោក Trump បាននិយាយថា លោកនឹងសម្រេចចិត្តក្នុងរយៈពេលពីរសប្តាហ៍ថា តើសហរដ្ឋអាមេរិកនឹងចូលរួមជាមួយអុីស្រាអែលក្នុងការប្រយុទ្ធជាមួយសាធារណរដ្ឋអ៊ិស្លាមអុីរ៉ង់ឬយ៉ាងណា។
នាយករដ្ឋមន្ត្រីអុីស្រាអែល Benjamin Netanyahu, ប្រធានបុគ្គលិកនៃកងកម្លាំងការពារអុីស្រាអែល (IDF) Eyal Zamir, រដ្ឋមន្ត្រីការពារជាតិអុីស្រាអែល Katz, រដ្ឋមន្ត្រីក្រសួងកិច្ចការយុទ្ធសាស្ត្រ Ron Dermer និងមន្ត្រីជាន់ខ្ពស់អុីស្រាអែលមួយចំនួនទៀតបានជួបជាមួយមន្ត្រីរដ្ឋបាល Trump នៅល្ងាចថ្ងៃទី 19 ខែមិថុនា (ម៉ោងក្នុងតំបន់) ។
យោងតាមប្រភពពីរដែលដឹងពីបញ្ហានេះ គណៈប្រតិភូអាមេរិករួមមានអនុប្រធានាធិបតី JD Vance និងរដ្ឋមន្ត្រីការពារជាតិ Pete Hegseth ។ ជំនួបនេះធ្វើឡើងស្របពេលដែលអាមេរិកកំពុងពិចារណាពីលទ្ធភាពនៃការចូលរួមក្នុងការវាយប្រហារតាមអាកាសរបស់អុីស្រាអែលលើអុីរ៉ង់។
ប្រធានាធិបតីអាមេរិក លោក Trump បាននិយាយថា លោកនឹងសម្រេចចិត្តក្នុងរយៈពេលពីរសប្តាហ៍ថា តើសហរដ្ឋអាមេរិកនឹងចូលរួមជាមួយអុីស្រាអែលក្នុងការប្រយុទ្ធជាមួយសាធារណរដ្ឋអ៊ិស្លាមអុីរ៉ង់ឬយ៉ាងណា។
នៅក្នុងការអភិវឌ្ឍពាក់ព័ន្ធ នាវាផ្ទុកយន្តហោះកងទ័ពជើងទឹកអាមេរិកចំនួន 3 ត្រូវបានគេរំពឹងថានឹងត្រូវបានដាក់ពង្រាយទៅកាន់មជ្ឈិមបូព៌ា រួមជាមួយនឹងយន្តហោះដឹកជញ្ជូនយោធាចំនួន 10 គ្រឿងដែលកំពុងធ្វើដំណើរទៅកាន់មូលដ្ឋានបញ្ជាការកណ្តាលរបស់សហរដ្ឋអាមេរិក (CENTCOM) នៅក្នុងតំបន់៕ ដោយធីរីណា