ភ្នំពេញ៖ ដើម្បីទប់ស្កាត់ការរំខានពីសំឡេងពីក្រុមយុវជនដែលប្រើប្រាស់បំពង់សុីម៉ាំងកែច្នៃសំឡេងខុសលក្ខណបច្ចេកទេស (លឺសំឡេងខ្លាំង) កម្លាំងសមត្ថកិច្ចជំនាញតាមបណ្ដាខណ្ឌចំនួន ១៤ក្នុងរាជធានីភ្នំពេញ បានបន្តអនុវត្តច្បាប់ចរាចរណ៍ ដោយឃាត់យកមកណែនាំអប់រំ តាមនីតិវិធី។
ជាក់ស្ដែងដោយអនុវត្តតាមបទបញ្ជាផ្ទាល់ពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ គិតត្រឹមម៉ោង៨:០០នាទីព្រឹក ថ្ងៃទី២៣ ខែមិថុនា ឆ្នាំ២០២៥ កម្លាំងនៃអធិការដ្ឋាននគរបាលខណ្ឌកំបូល បានឃាត់ម៉ូតូប្រើប្រាស់សុីម៉ាំងបំពង់សំឡេងខុសលក្ខណបច្ចេកទេស ចំនួន១១គ្រឿង និងម៉ូតូគ្មានផ្លាកលេខ ចំនួន០១គ្រឿង។
បច្ចុប្បន្នកម្លាំងនៃធិការដ្ឋាននគរបាលខណ្ឌកំបូល បានណែនាំអប់រំ និងធ្វេីកិច្ចសន្យាដល់អ្នកបេីបរម៉ូតូ និងតម្រូវឱ្យម្ចាស់ម៉ូតូយកបំពង់ស៊ីម៉ាំងដើមមកដោះដូរ និងធ្វើផ្លាកលេខម៉ូតូ ដើម្បីប្រគល់ម៉ូតូឱ្យត្រឡប់ទៅផ្ទះវិញ៕
ដោយ៖តារា
