ភ្នំពេញ៖​ បើតាមការបញ្ជាក់ពីប្រធាននាយកដ្ឋានប្រឆាំងបទល្មើសបច្ចេកវិទ្យា លោកឧត្ដមសេនីយ៍ទោ សុខ នីត្យា​ បានអះអាងថា ប្រព័ន្ធ​បណ្ដាញទំនាក់ទំនង Telegram គឺមានភាពអនាមឹកច្រើនជាងគេ នៅប្រទេសកម្ពុជា ដែលជនល្មើសប្រើសម្រាប់បោកបញ្ឆោត។

លោកឧត្ដមសេនីយ៍ទោ សុខ នីត្យា​ បានអះអាងបែបនេះ ធ្វើឡើងក្នុងឱកាសដែល អញ្ជើញចូលរួមជជែក ពីសន្តិសុខសាយប័រ លើប្រធានបទ៖ «ស្ថានភាពនៃការលួច គ្រប់គ្រងព័ត៌មានផ្ទាល់ខ្លួន តាមប្រព័ន្ធបច្ចេកវិទ្យា» ក្នុងកម្មវិធី CYBER SECURITY។

ជាមួយគ្នានេះ​ លោកឧត្ដមសេនីយ៍ទោ សុខ នីត្យា បានគូសបញ្ជាក់យ៉ាងដូច្នេះថា៖​ «យើងឃើញថា បច្ចុប្បន្ននេះ ដោយសារតែកម្ពុជាប្រើប្រាស់បណ្ដាញទំនាក់ទំនង ៣ច្រើនជាងគេ ទី១៖ Telegram, ទី២៖ Whatsapp និងទី៣៖ Messenger រ​បស់ Facebook ហើយជាពិសេសប្រព័ន្ធ Telegram មានភាពអនាមឹកខ្លាំងជាងគេ»៕ដោយ​៖តារា​