ភ្នំពេញ: បុរសម្នាក់ចេញពីផឹកស៊ីជួបជុំជាមួយមិត្តភ័ក្ដិនៅក្នុងហាងមួយកន្លែងជិះម៉ូតូត្រឡប់ទៅផ្ទះវិញមិនរួចក៏ឈប់ម៉ូតូដេកតាមផ្លូវត្រូវបានជនសង្ស័យលួចម៉ូតូយកទៅ។
ហេតុការណ៍នេះដែរបង្កឲ្យមានការភ្ញាក់ផ្អើលឡើងកាលពីម៉ោង២:៣៥ នាទីរំលងអាធ្រាតឈានចូលថ្ងៃទី ១០ ខែកក្កដា ឆ្នាំ២០២៥ ស្ថិតនៅតាមបណ្ដាញផ្លូវបេតុងខាងក្រោយផ្សារឯករាជ្យ១ត្រង់ចំណុចដីឡូតិ៍មួយកន្លែងភូមិត្រពាំងថ្លឹង១សង្កាត់ចោមចៅទី ១ខណ្ឌពោធិ៍សែនជ័យរាជធានីភ្នំពេញ។
សមត្ថកិច្ចបានឲ្យដឹងថា ជនរងគ្រោះឈ្មោះ ស្រេង ចាន់តានា ភេទប្រុសអាយុ៣២ឆ្នាំ មុខរបរងារក្រុមហ៊ុន បច្ចុប្បន្នរស់នៅក្នុងបុរីឡុងនី ភូមិត្រពាំងថ្លឹង១ សង្កាត់ចោមចៅ១ខណ្ឌពោធិ៍សែនជ័យរាជធានីភ្នំពេញ។
បើយោងតាមការបញ្ជាក់ពីបុរសជនរងគ្រោះបានឲ្យដឹងថា នៅមុនពេលកើតហេតុខ្លួនបានជិះម៉ូតូម៉ាកហុងប៊ីត១គ្រឿងពណ៍ផ្កាឈូក ពាក់ស្លាកលេខភ្នំពេញ1HT-8096 ចេញពីផ្ទះទៅផឹកស៊ីនៅក្នុងហាងកែវព្រឹលមួយកន្លែងជួបជុំជាមួយមិត្តភ័ក្តិ ក្រោយពីផឹករួចក៏ជិះម៉ូតូត្រឡប់មកផ្ទះវិញដោយស្រវឹងជាខ្លាំងពេកទៅផ្ទះមិនរួចបានឈប់ម៉ូតូសម្រាកដេកនៅតាមផ្លូវកេីតហេតុខាងលេីពេលនោះដែរស្រាប់តែមានជនសង្ស័យចំនួន២នាក់ធ្វើសកម្មភាពលួចម៉ូតូយកទៅបាត់ដោយសុវត្ថិភាពបន្ទាប់មកមកពេលជនរងគ្រោះបានភ្ញាក់ឡើងស្រាប់តែស្រឡាំងកាំងមិនឃើញម៉ូតូរបស់ខ្លួនក៏ដេីរចេញពីទីតាំងកន្លែងបាត់ម៉ូតូមកផ្លូវវេងស្រេងរួចហើយបានប្រាប់ឲ្យពលរដ្ឋជួយទំនាក់ទំនងទៅសមត្ថកិច្ចអោយជួយអន្តរាគមន៍រកម៉ូតូរបស់ខ្លួន។
បន្ទាប់ពីកេីតហេតុកម្លាំងសមត្ថកិច្ចមូលដ្ឋានបានចុះមកដល់សួរនាំជនរងគ្រោះរួចហើយដឹកទៅចង្អុលបង្ហាញទីតាំងកន្លែងហេតុដែលជនសង្ស័យយកម៉ូតូ ហើយអោយជនរងគ្រោះទៅដាក់ពាក្យបណ្ដឹងនៅប៉ុស្តិ៍ដេីម្បីសមត្ថកិច្ចស្រាវជ្រាវរកជនសង្ស័យឃាត់ខ្លួនមកផ្ដន្ទាទោសតាមច្បាប់ ៕
ដោយ៖ ជ្រោយពេជ្រ
