សេតវិមានបានប្រកាសកាលពីថ្ងៃទី២៩ ខែសីហាថា ប្រធានាធបិតីអាមេរិក លោកបារ៉ាក់ អូបាម៉ា មានគម្រោងជួបពិភាក្សាជាមួយប្រធានាធិបតីហ្វុីលីពីន លោក Rodrigo Duterte នាថ្ងៃទី០៦ ខែកញ្ញា នៅក្នុងប្រទេសឡាវ ។

មេដឹកនាំទាំងពីរ នឹងចូលរួមកិច្ចប្រជុំកំពូល EAS នៅក្នុងប្រទេសឡាវ ដើម្បីពិភាក្សាស្តីបញ្ហាជាច្រើន ក្នុងនោះមានសិទ្ធិមនុស្ស សន្តិសុខ ក្នុងតំបន់ ។

មានប្រសាសន៍ទៅកាន់ក្រុមអ្នកសារព័ត៌មាន អនុប្រធានទីប្រឹក្សាសន្តិសុខសេតវិមាន លោក Ben Rhodes បានបញ្ចាក់ថា «យើងជឿជាក់ថា ប្រធានាធិបតីអូបាម៉ា នឹងលើកឡើងពីបញ្ហាស្តីអំពីការប្រកាសរបស់ប្រធានាធបិតីហ្វុីលីពីន ទៅលើស្ត្រី ក្រុមអ្នកសារព័ត៌មាន និងបញ្ហាជាច្រើនទៀត ។

នៅក្នុងសន្និសីទការសែតនោះដែរ លោក Ben Rhoder បញ្ចាក់ទៀតថា ប្រធានាធិបតីអូបាម៉ា នឹងមានជំនួបពិភាក្សា ជាមួយប្រទេសទួរគី នៅក្នុងកិច្ចប្រជុំ G 20 ដែលនឹងរៀបចំឡើងនៅក្នុងប្រទេសចិន ដោយមានប្រធានបទ ពិភាក្សាពីបញ្ហាសង្គ្រាមស៊ីវិលនៅក្នុងប្រទេសស៊ីរី ៕

ប្រែសម្រួល៖ ម៉ែវ សាធី