ខេត្តស្វាយរៀង:មានក្មេងទំនើង ០២ក្រុមសរុប ០៥នាក់ ត្រូវបានសមត្ថកិច្ចនគរបាលក្រុងឃាត់ខ្លួនក្រោយពី ធ្វើសកម្មភាពជិះម៉ូតូដេញវាយគ្នា បង្កការភ្ញាក់ផ្អើលដល់អ្នកភូមិនិងអ្នកធ្វើដំណើរ នៅក្នុងមូលដ្ឋានក្រុងស្វាយរៀង ។
យោងតាមសមត្ថកិច្ចនគរបាលក្រុងស្វាយរៀងបានអោយដឹងនារសៀលថ្ងៃទី១៧ខែកក្កដាឆ្នាំ២០២៥នេះថាហេតុការណ៏នេះបានកើតឡើងកាលពីថ្ងៃទី១៥ខែកក្កដាឆ្នាំ២០២៥វេលាម៉ោង១០និង៣០នទីយប់ ស្ថិតក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង។
ប្រភពដដែលបញ្ជាក់ថា កម្លាំងអធិការដ្ឋាននគរបាលក្រុងស្វាយរៀង កាលពីយប់ថ្ងៃទី១៥ ខែកក្កដា ឆ្នាំ២០២៥ វេលាម៉ោង ២២និង៣០នាទីយប់ បានទទួលព័ត៌មានតាមរយ:លេខទូរស័ព្ទ ពីប្រជាពលរដ្ឋ ថាមានក្មេងទំនើង ០២ក្រុម កំពុងធ្វើសកម្មភាពជិះម៉ូតូដេញវាយគ្នា បង្កការភ្ញាក់ផ្អើលដល់អ្នកភូមិ ស្ថិតក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង។
ក្រោយទទួលបានព័ត៌មានរួចមក និងអនុវត្តតាមបទបញ្ជាដ៏ម៉ឺងម៉ាត់ របស់លោកឧត្ដមសេនីយ៍ទោ ពេជ្រ វីរៈ ស្នងការនគរបាលបាលខេត្តស្វាយរៀង កម្លាំងអធិការដ្ឋាននគរបាលក្រុងស្វាយរៀង ដឹកនាំដោយលោកវរសេនីយ៍ឯក កែន វិទ្ធី អធិការនគរបាលក្រុងស្វាយរៀង បានធ្វើការស៊េីបអង្កេតស្រាវជ្រាវ និងត្រួតពិនិត្យកន្លែងកេីតហេតុ រួចសមត្ថកិច្ចបានឃាត់ខ្លួនជនសង្ស័យចំនួន ០២នាក់ ប្រុស និងបានបន្តសស្រាវជ្រាវរហូតឈាន ទៅឃាត់ខ្លួនជនសង្ស័យ ០៣នាក់បន្ថែមទៀតយកមកសាកសួរ។
បច្ចុប្បន្នក្មេងទំនើងទាំង ០៥នាក់ នៃក្រុមក្មេងទំនើងទាំង ០២ក្រុម សមត្ថកិច្ចនគរបាលក្រុងកំពុងកសាងសំណុំរឿងចាត់ការតាមច្បាប់។
