ភ្នំពេញ៖ តារាកំប្លែងជើងចាស់ យាយអឿន ត្រូវបានកូនៗបញ្ជូនទៅកាន់មន្ទីរពេទ្យភ្លាមៗ បន្ទាប់ពីត្រូវសត្វគោមួយក្បាលផ្អើលរត់មកជាន់លើដើមទ្រូងគាត់ ខណៈកំពុងតែឈរមើលរថយន្តចាក់ដីនៅខាងក្រោយផ្ទះ ។

បច្ចុប្បន្ន យាយអឿន កំពុងសម្រាកព្យាបាលនៅមន្ទីរពេទ្យ «បាយ័ន» ក្បាលថ្នល់ ក្រោមការតាមដានពីក្រុមគ្រូពេទ្យ ។

ប្រភពពីកូនប្រុសរបស់គាត់ឲ្យដឹកថា រហូតមកដល់ថ្ងៃទី០១ ខែកញ្ញា នេះ អាការៈម្តាយនៅមិនទាន់ដឹងថា យ៉ាងណានៅឡើយទេ ដោយសារតែគាត់នៅតែមានអាការៈថប់ៗ និងពិបាកដកដង្ហើម ។

ប្រភពបន្តទៀតថា នៅមុនពេលកើតហេតុ ពេលព្រឹកម្តាយរបស់គាត់បានទៅឈរមើលរថយន្តកំពុងចាក់ដីនៅខាងក្រោយផ្ទះ ។ ប៉ុន្តែមិនដឹងមានរឿងអ្វីនោះទេ ស្រាប់តែមានគោមួយក្បាលមិនដឹងផ្អើលពីណាក៏រត់មកបុកចំខ្នងម្តាយរបស់គាត់ ហើយក៏បានជាន់ចំដើមទ្រូងផងដែរ ៕

ដោយ៖ សហការី