បើកបរខ្វះការប្រុងប្រយ័ត្នជ្រុលទៅបុករថយន្តទិញស្រូវពីក្រោយបណ្តាលឱ្យស្លាប់ភ្លាមៗ

ចែករំលែក៖

ខេត្តបាត់ដំបង៖ បុរសម្នាក់បានស្លាប់ភ្លាមៗនៅហ្នឹងកន្លែងកើតហេតុ បន្ទាប់ពីជិះម៉ូតូទៅបុករថយន្តអែបលើចិញ្ចើមផ្លូវឈប់ឡើងស្រូវនៅវេលាម៉ោង ១៦និង១៥នាទី ថ្ងៃទី២០ ខែសីហា ឆ្នាំ២០២៥ នៅលើផ្លូវជាតិលេខ៥ ត្រង់ចំណុចក្រុមទី៩ ភូមិអូសទូក ឃុំកំពង់ព្រៀង ស្រុកសង្កែ ខេត្តបាត់ដំបង ។

ប្រភពនៅកន្លែងកើតហេតុបានប្រាប់ថា ករណីគ្រោះ ថ្នាក់ចរាចរណ៍ខាងលើនេះបានកើតឡើងរវាងរថយន្តធុនធំមិនស្គាល់ម៉ាក មិនស្គាល់អត្តសញ្ញាណ១គ្រឿងបើកបរទិសដៅពីត្បូងទៅជើង។លុះមកដល់ចំណុចកើត ហេតុបានអែបឈប់ដើម្បីឡើងស្រូវនៅលើចិញ្ចើមផ្លូវ ចំណែកម៉ូតូម៉ាកវេវពណ៌ខ្មៅ ពាក់ផ្លាកលេខ បាត់ដំបង 1H-5835 បើកបរដោយឈ្មោះ ហ៊ាង ឡៃហុង ភេទ ប្រុស អាយុ៦១ឆ្នាំ រស់នៅភូមិស្វាយជ្រុំ ឃុំអូរដំបង២ ស្រុកសង្កែ ខេត្តបាត់ដំបង បើកបរទិសដៅស្របគ្នា បានជ្រុលទៅបុក ពីក្រោយរថយន្តពេញទំហឹងបណ្តាលឱ្យស្លាប់ភ្លាមៗ បន្ទាប់មករថយន្តក៏បានបើកគេចខ្លួនបាត់ស្រមោល។

...

ក្រោយពេលកើតហេតុសមត្ថកិច្ចជំនាញបានចុះទៅពិនិត្យវាស់វែងរួចប្រគល់សពជនរងគ្រោះទៅឲ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែកម៉ូតូត្រូវបានកម្លាំងជំនាញចរាចរណ៍ផ្លូវគោកស្នងការដ្ឋានខេត្តយកទៅរក្សាទុកដើម្បីអនុវត្តតាមនីតិវិធី៕

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print