ភ្នំពេញ៖ នៅថ្ងៃទី២៦ ខែសីហា ឆ្នាំ២០២៥ កម្លាំងនគរបាលខណ្ឌដង្កោ បានបញ្ជូនជនសង្ស័យ ដែលឃាត់បានក្រោយប្រព្រឹត្តបទល្មើសចំនួន៣ករណីផ្សេងគ្នា ទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។
នគរបាលបានប្រាប់ថា ទី១ករណីក្មេងទំនើងរហស្សនាម«ទឹកអំពៅ» ដែលបានជិះម៉ូតូបុកនគរបាលខណ្ឌដង្កោ បណ្ដាលឲ្យដួលរងរបួសធ្ងន់និងស្រា២នាក់ ហើយត្រូវនគរបាលត្រូវឃាត់ខ្លួនបានចំនួន៨នាក់ ក្នុងចំណោមគ្នា៤០នាក់ ។
ហេតុការណ៍នេះបានកើតឡើងនៅវេលាម៉ោង០៣ជិតភ្លឺថ្ងៃទី២៤ ខែសីហា ឆ្នាំ២០២៥ នៅតាមផ្លូវបេតុង៥០ម៉ែត្រ ជិតភ្លើងស្តុបABC ភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ។
ក្មេងទំនើងទី១,ឈ្មោះ ជុំឌី អេវ៉េទីរ៉ូ អាយុ១៥ឆ្នាំ សិស្សថ្នាក់ទី០៩នៅសាលាជា ស៊ីមសាមគ្គី ស្នាក់នៅផ្ទះជួលមុខផ្សារទឹកថ្លា សង្កាត់ទឹកថ្លា ខណ្ឌសែនសុខ ។ ទី២,ឈ្មោះ ម៉ោង សៀមិញ អាយុ១៥ឆ្នាំ ស្នាក់នៅបុរីអូបែកក្អម សង្កាត់អូរបែកក្អម ខណ្ឌសែនសុខ ។ ទី៣,ឈ្មោះ សម្បត្តិ ចាន់សុខ អាយុ១៥ឆ្នាំ មុខរបរកម្មករលើកអីវ៉ាន់ មានទីលំនៅភូមិប្រាសាទ ឃុំព្រែកស្លែង ស្រុកកណ្តាលស្ទឹង ខេត្តកណ្តាល ។ ទី៤,ឈ្មោះ ឌី ឆាលី អាយុ១៧ឆ្នាំ មុខរបរលក់ម្ជូរ ស្នាក់នៅផ្ទះជួល ភូមិដើមចាន់ សង្កាត់ច្បារអំពៅ ខណ្ឌច្បារអំពៅ ។ ទី៥,ឈ្មោះ សល់ ទ្រីម៉េងហុង អាយុ១៥ឆ្នាំ សិស្សថ្នាក់ទី៨ អនុវិទ្យាល័យហ៊ុនសែនជម្ពូវ័ន មានទីលំនៅភូមិទួលកី សង្កាត់ភ្លើងឆេះរទេះ ខណ្ឌកំបូល ។ ទី៦,ឈ្មោះ កា រ៉ូសា អាយុ១៥ឆ្នាំ មុខរបររកម្មករដឹងជញ្ជូន ទីលំនៅភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ ។ ទី៧,ឈ្មោះ ផាត លឹមហៀង អាយុ១៥ឆ្នាំ មុខរបរកម្មករមើលការងារផ្ទះសំណាក់ មានទីលំនៅភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ ។ ទី៨,ឈ្មោះ សុខ ផានិត អាយុ១៥ឆ្នាំ មុខរបរនៅផ្ទះ មានទីលំនៅភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ ។
នគរបាលបានប្រាប់ទៀតថា ទី២ករណីក្មេងទំនើង២នាក់លាក់ដាវ១ដើមនៅក្នុងកាងបំពង់សុីម៉ាំងម៉ូតូទុកការពារខ្លួន នៅពេលដើរលងយប់ៗ ត្រូវនគរបាលខណ្ឌដង្កោ ឃាត់ខ្លួនកាលពីវេលាម៉ោង០៥ព្រឹកថ្ងៃទី២៤ ខែសីហា ឆ្នាំ២០២៥ នៅតាមផ្លូវលេខ២១៧ ត្រង់ចំណុចតូបកាហ្វេ យីហោ«នឹកកាហ្វេ» ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ។
ជនសង្ស័យខាងលើនោះ១,ឈ្មោះ ច័ន្ទ វិចិត្ត្រា អាយុ១៨ឆ្នាំ ជនជាតិខ្មែរ មុខរបរបុគ្គលិកក្លិបស្នូកឃ័រ ស្នាក់នៅក្នុងក្លិបស្នូកឃ័រ ដែលមានទីតាំងស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ។ ២,ឈ្មោះវៃ រដ្ឋា អាយុ១៨ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅបន្ទប់ជួលលេខM9 ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
ទី៣ករណីលួចម៉ូតូ កើតហេតុកាលពីថ្ងៃទី២១ ខែសីហា ឆ្នាំ២០២៥ វេលាម៉ោង១០និង៤០នាទី ត្រង់ចំណុចហាងខារ៉អូខេយីហោ៧៧៧៧ ផ្លូវ២១៧ ស្ថិតនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
ជនសង្ស័យឈ្មោះ យឿន យុ ភេទប្រុស អាយុ១៨ឆ្នាំ មុខរបរកម្មកររោងចក្រ មានទីលំនៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
ជនរងគ្រោះឈ្មោះ ដួង សុភាស់ ភេទប្រុស អាយុ៣២ឆ្នាំ មុខរបរ លក់ដូរ មានទីលំនៅផ្ទះលេខC៣៧ ផ្លូវបេតុង ស្ថិតនៅភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ។ បាត់បង់ម៉ូតូម៉ាកHONDA DREAM C១២៥ ពណ៌ក្រហម សេរីឆ្នាំ២០១៤ ឡើងតែម២០២២ ពាក់ផ្លាកលេខ ត្បូងឃ្មុំ ១I-០០៩៤ លេខតួ និងលេខម៉ាសុីនមិនចាំ ចំនួន០១គ្រឿង ៕
ដោយ ៖ ភារ៉ា ដង្កោ
