ភ្នំពេញ ៖ ទីតាំងទិញអេតចាយមួយកន្លែង ស្ថិតក្នុងភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អេីលដល់អាជ្ញាធរមូលដ្ឋានចុះអន្តរាគមន៍បាញ់ទឹកពន្លត់ កាលពីវេលាម៉ោង១៦:៣០នាទី ថ្ងៃទី២៧ ខែសីហា ឆ្នាំ២០២៥ ។
សមត្ថកិច្ចបានឲ្យដឹងថា ម្ចាស់ទីតាំងមានឈ្មោះ ម៉ៅ ភេទប្រុស អាយុ៤០ឆ្នាំ មុខរបរ ទិញអេតចាយ មានទីលំនៅ ទីតាំងកេីតហេតុខាងលេី ។ ដោយទីតាំងនេះជាដីឡូត៌ ទំហំ០៨ម៉ែត្រx១០ម៉ែត្រ និងជាប្រភេទសំណង់ ។
តាមប្រភពព័ត៌មានបានឲ្យដឹងថា ជារៀងរាល់ថ្ងៃ ទីតាំងខាងលេីតែងតែដុតធូបមូស ព្រោះរដូវភ្លៀង និងមានកាកសំណល់ជាច្រេីនធ្វេីឲ្យមានមូសច្រេីន ខណៈម្ចាស់ទីតាំងដុតធូបមិនប្រយ័ត្នក៏បានឆាបឆេះរាលដាលយ៉ាងដូច្នេះ ដោយខូចខាតគ្រឿងជ័រអេចចាយយ៉ាងច្រេីន តែមិនបង្កគ្រោះថ្នាក់ដល់មនុស្សណាម្នាក់នោះឡេីយ ។
ក្នុងប្រតិបត្តិការ ជួយសង្គ្រោះគ្រោះអគ្គិភ័យនេះ អាជ្ញាធរមូលដ្ឋាន និងសមត្ថកិច្ចជំនាញបានប្រេីប្រាស់រថយន្តពន្លត់អគ្គិភ័យអស់ចំនួន០៣គ្រឿង ទឹកអស់សរុប១៥ម៉ែត្រកូប និងរលត់ នៅម៉ោង១៧:០០នាទី ថ្ងៃខែឆ្នាំដដែល ៕ ដោយ ៖ ភារ៉ា ដង្កោ
