ខេត្តកណ្តាល ៖ ករណីហិង្សាមួយ ព្រោះតែភ្លើងប្រច័ណ្ឌ ប្តីសម្លាប់ប្រពន្ធរួចចាក់សោរបន្ទប់គ្មានអ្នកណាដឹង លុះចុងក្រោយប្តីដែលឃាតកមិនរត់គេចទៅណា ក៏បានដើរចូលទៅប៉ុស្តិ៍សមត្ថកិច្ចសារភាពថា ខ្លួនសម្លាប់ប្រពន្ធនៅក្នុងបន្ទប់ទឹកផ្ទះជួល ។ ពេលនោះសមត្ថកិច្ចមកដល់កន្លែងកើតហេតុ និងចាក់សោរចូលមើល ក៏ប្រទះឃើញសាកសពប្រពន្ធពិតមែន បង្កការភភ្ញាក់ផ្អើលកើតហេតុព្រឹកព្រលឹមតែម្តង ។
ករណីនេះអ្វីដែលគួរឱ្យអាណិតអាសូរទៀតនោះ គឺកូនតូចៗចំនួន២នាក់ ដែលកូនស្រីអាយុ១០ឆ្នាំជាងនិងកូន ប្រុសអាយុជិត១០ឆ្នាំ ត្រូវនៅកំព្រា ដោយសារម្តាយក៏ត្រូវស្លាប់ ចំណែកឪពុកក៏ជាប់គុកទៀត ។
ករណីឃាតកម្មនេះបានកើតឡើង កាលពីវេលាម៉ោង ០៥ និង ៥០នាទីព្រឹកថ្ងៃទី ២៧ ខែសីហាឆ្នាំ២០២៥ នៅចំណុចបន្ទប់ជួលលេខ៣ ជាន់ផ្ទាល់ដី ស្ថិតនៅភូមិតាខ្មៅ៣ សង្កាត់តាខ្មៅ ក្រុងតាខ្មៅ ខេត្តកណ្តាល ។
លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានឲ្យដឹងថា សពជនរងគ្រោះឈ្មោះ រិទ្ធ ស្រីរ័ត្ន ហៅ«កាវ៉ាន់» ភេទស្រី អាយុ២៩ឆ្នាំ មុខរបរ បុគ្គលិកហាងខារ៉ាអូខេ ស្នាក់នៅភូមិតាខ្មៅ៣ សង្កាត់តាខ្មៅ ក្រុងតាខ្មៅ។ ចំណែកជនដៃដល់ជាប្តីមានឈ្មោះ កៃ សីហា ភេទប្រុស អាយុ២៥ឆ្នាំ មុខរបរកម្មកររោងចក្រស្នាក់នៅភូមិតាខ្មៅ៣ សង្កាត់តាខ្មៅ ក្រុងតាខ្មៅ ខេត្តកណ្តាល ។
បើយោងតាមប្រភពព័ត៌មានពី ម្តាយមីងបង្កើតរបស់ជនរងគ្រោះឈ្មោះ ម៉ុក សុខឃៀង អាយុ៣៣ឆ្នាំ មុខរបរលក់ដូរ ស្នាក់នៅបន្ទប់ជួលលេខ៦ ភូមិតាខ្មៅ៣ សង្កាត់តាខ្មៅ ក្រុងតាខ្មៅបានឱ្យដឹងថា នៅថ្ងៃទី២៦ ខែសីហា ឆ្នាំ២០២៥ វេលាម៉ោង០១រសៀល ជនសង្ស័យ និងជនរងគ្រោះជាប្តីប្រពន្ធនិងគ្នា ពួកគេតែងតែឈ្លោះគ្នាជាជាប្រចាំយូរមកហើយ ដោយខាងប្រពន្ធជាអ្នករក រឿងនិងវាយប្តី តែប្តីនៅស្ងៀមមិនតបតទៅប្រពន្ធវិញទេ។ បន្ទាប់ពីឈ្លោះគ្នារួចប្រពន្ធក៏ ទៅធ្វើការនៅហាងខារ៉ាអូខេបាត់ទៅ ។
ស្រាប់តែមកដល់ថ្ងៃទី២៧ ខែសីហា ឆ្នាំ២០២៥ វេលាម៉ោង ០៤ និង២៥ ទាបភ្លឺ ២នាក់ប្តីប្រពន្ធក៏បានឈ្លោះគ្នាយ៉ាងខ្លាំងលឺសូរក្តុងក្តាំងៗ ហើយគាត់ជាម្តាយមីងក៏ចេញទៅមើលក៏ទៅបើកទ្វារ ហើយឃើញពួកគាត់ឈ្លោះអូសគ្នា នៅក្នុងបន្ទប់ទឹក គាត់ក៏ស្រែកសួរថា ពួកហែងនៅឈ្លោះគ្នាដល់ណាទៀតស្មារនឹងហើយ ពួកហែងមិនខ្លាចរំខានដល់អ្នកជិតខាងទេអី។ បន្ទាប់មកគាត់ក៏លឺសំលេងទូរស័ព្ទរោទិ៍តែមិនដឹងថា ទូរស័ព្ទរបស់ប្រពន្ធ ឬប្តីនោះទេ ហើយខាងប្តីក៏បានស្រែកឲ្យគាត់ជាមីងចេញ ពីបន្ទប់ទៅ ហើយក៏បានស្ងប់ស្ងាត់ទៅវិញ ក៏ជនរងគ្រោះក៏បានជិះម៉ូតូទៅធ្វើការបាត់ ។
លុះមកដល់វេលាម៉ោង ០៥ និង ៥០នាទីព្រឹកថ្ងៃ២៧ ខែសីហា ឆ្នាំ២០២៥ ជនរងគ្រោះបានចេញពីធ្វើការនៅហាងការ៉ាអូខេ ក៏បានឃើញប្តីដែលជាជនសង្ស័យកំពុងដេក ក្នុងបន្ទប់ហើយបានដើរមកជេរមើលងាយប្តី ធ្វើឲ្យប្តីបានជេរតបតទៅវិញ ទើបធ្វើឲ្យជនរងគ្រោះជាប្រពន្ធខឹងថែមទាំងស្រវឹងស្រាផង បានយកខ្សែភ្លើងមកវាយប្តីជាជនសង្ស័យចំដៃនិងខ្នង ឃើញដូចនោះជនសង្ស័យជាប្តីក៏បានវាយតបតទៅវិញ ធ្វើឱ្យមានការវាយវាយតប់គ្នាទៅវិញទៅមក ហើយក៏បានច្រានជនរងគ្រោះទៅក្នុងបន្ទប់ទឹកបណ្តាលឲ្យគាត់ដួល ឃើញដូចនោះជន សង្ស័យក៏បានយកដៃច្របាច់កជនរងគ្រោះប្រហែល០១នាទី ដោយមិនឃើញកំរើក ជនសង្ស័យក៏ភ័យរួចដើរចេញពីកន្លែងហ្នឹងដោយមិនបានស្ទាបដង្ហើមជនរងគ្រោះទេ រួចអូសម៉ូតូចេញពីក្នុងបន្ទប់ រួចយកកូនសោចាក់ទ្វារពីខាងក្រៅបន្ទាប់មកជិះម៉ូតូចេញទៅទៅបាត់ ។
ដោយមិនដឹងរត់ទៅណា ក៏ជនសង្ស័យរត់ទៅប៉ុស្តិ៍រដ្ឋបាលតាខ្មៅ ដើម្បីចូលខ្លួនទៅសារភាពនៅទង្វើរបស់ខ្លួន ។
ក្រោយកើតហេតុ សមត្ថកិច្ចជំនាញផ្នែកកោសល្យវិច័យ នៃស្នងការដ្ឋាននគរបាលខេត្តកណ្តាល បានចុះមកពិនិត្យសាកសព ឃើញក្នុងបន្ទប់រប៉ាត់រប៉ាយសំលៀកបំពាក់ និងឃើញសាកសពស្ត្រីម្នាក់នៅក្នុងបន្ទប់ទឹក មានស្ថានភាពសើម រឹងទាំងស្រុង សពដេកផ្ងារ ដៃខាង ស្តាំលាបាតដៃ,បត់ដាក់លើពោះ ដៃខាងឆ្វេងបត់កែងបែរលើកឡើងលើ ជើងទាំងសងខាងបត់អង្គុញ។
សភាពសពពាក់អាវក្រណាត់បិតឡេវពណ៍ខ្មៅរូបផ្កា ដៃវែង ស្លៀកសំពត់វែងពណ៍ខ្មៅ មានពាក់ខ្សែអំបោះពណ៌ លឿងនៅកដៃខាងស្តាំ និងកដៃខាងឆ្វេងមានអំបោះពណ៌ក្រហម ពាក់អាវយឺតខាងក្នុងពណ៍ប្រផេះ ស្លៀក សំពត់ខ្លីខាងក្នុង និងស្លៀកខោលីអូពណ៍សូកូឡា។ ចំណែកផ្នែកក្បាល មានចេញទឹកពពុះតាមមាត់ បបូរ មាត់ឡើងពណ៌ផ្កាឈូក ភ្នែករីកប្រស្រី ស្នាមកោសរលាត់នៅលើបំពង់ក។
ដូច្នេះតាមការសន្និដ្ឋាន យោងតាមលោកគ្រូពេទ្យនិងផ្នែកជំនាញ សពជនរងគ្រោះស្លាប់ដោយស្ទះផ្លូវដង្ហើម ដោយសារច្របាច់ក ក្នុងអំពើឃាតកម្ម។ បច្ចុប្បន្នជន សង្ស័យបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមច្បាប់៕
